Pravaabaronca Aleś Bialacki, jaki znachodzicca ŭ śledčym izalatary Žodzina, adčuvaje siabie narmalna. Pra heta BiełaPAN paviedamiła jaho žonka Natalla Pinčuk, jakaja sustrełasia z mužam u izalatary 27 studzienia.
Pavodle jaje słoŭ, sustreča doŭžyłasia kala hadziny. «Adčuvaje Aleś siabie dobra, na zdaroŭje nie skardziŭsia, pieradavaŭ usim pryvitańni. Hałoŭnym čynam my havaryli pra naviny, pra siamiejnyja spravy i hetak dalej», — adznačyła Pinčuk.
Jana skazała, što administracyja śledčaha izalatara Žodzina pakul nie atrymała ź Minskaha haradskoha suda rašeńnie ab admovie Bialackamu ŭ zadavalnieńni kasacyjnaj skarhi na jaho pryhavor. «Jak mnie paviedamili ŭ administracyi, jak tolki rašeńnie budzie atrymana, na praciahu dziesiaci dzion Bialackaha pavinny raźmierkavać u
Žonka asudžanaha pravaabaroncy taksama adznačyła, što termin u dziesiać dzion vielmi ŭmoŭny:
«Mohuć adpravić u kałoniju raniej, mohuć — paźniej. Usio zaležyć ad taho, kali budzie etapavańnie».
***
24 studzienia 2012 hoda sudovaja kalehija Minskaha haradskoha suda pakinuła pryhavor u sile. Na rašeńnie suda nie paŭpłyvaŭ toj fakt, što suma ŭronu, jaki nibyta nanios dziaržavie Bialacki (757 młn. 526 tys. 717 rubloŭ, ci prykładna 90 tys. dołaraŭ) była pieraviedziena 18 studzienia na rachunak suda Pieršamajskaha rajona.
Mižnarodnaja demakratyčnaja hramadskaść, kiraŭnictva Jeŭrasajuza, ZŠA i šerahu inšych krain ličać jaho palitźniavolenym i patrabujuć ad aficyjnaha Minska vyzvaleńnia pravaabaroncy.
Kamientary