Homielskaja abłasnaja arhanizacyja Biełaruskaha tavarystva Čyrvonaha Kryža (BTČK) pravodzić akcyju pa zabieśpiačeńni ježaj i ciopłym adzieńniem biazdomnych haradžan. Akcyja «Razam u imia humannaści» startavała ŭ suviazi z mocnymi marazami, što ŭstalavalisia ŭ Biełarusi.
2 lutaha supracoŭniki BTČK zrabili rejd pa horadzie. Asob biez peŭnaha miesca žycharstva šukali ŭ miescach ich zvyčajnaha znachodžańnia — kala punktaŭ pryjomu druhasnaj syraviny, kantejnieraŭ dla śmiećcia, na palihonie bytavych adchodaŭ.
Biazdomnym vydavali suchi pajok (makarony, kansiervy, piačeńnie), paili haračaj harbataj i karmili viermišellu chutkaha pryhatavańnia, vydavali ciopłaje adzieńnie. Usiaho dapamohu atrymali 50 čałaviek. Pradstaŭniki BTČK taksama prainfarmavali biazdomnych pra miesca i čas čarhovaj sustrečy. Akcyja budzie praciahvacca štodnia, pakul nie asłabnuć marazy.
Akramia materyjalnaj dapamohi supracoŭniki Čyrvonaha Kryža dapamahli adnoj žančynie znajści źnikłaha svajaka. Jany adšukali jaho praź biuro niaščasnych vypadkaŭ: vyśvietliłasia, što mužčyna trapiŭ u balnicu.
Kamientary