Ciaham 10 dzion Stefanovič musić spłacić dziaržavie 56 miljonaŭ rubloŭ
Kalehija Mienskaha haradzkoha suda pa hramadzianskich spravach adchiliła skarhu Valancina Stefanoviča na pastanovu Partyzanskaha sudu Miensku.
Takim čynam, rašeńnie ŭstupiła ŭ dziejańnie, i ciaham 10 dzion adzin z kiraŭnikoŭ pravaabarončaha centru «Viasna» musić zapłacić 56 miljonaŭ rubloŭ u pakryćcio pryznačanych sudom strataŭ — heta padatki i pienia z prybytkaŭ, atrymanych z-za miažy.
Spadar Stefanovič skazaŭ, što ciapier budzie dumać, jakim čynam hetyja hrošy viartać, pakolki takich srodkaŭ u jaho niama. Jon taksama nie vyklučaje, što budzie apisanaja jahonaja majomaść.
Valancin Stefanovič nie sumniajecca, što heta palityčnaja sprava ŭ praciah spravy asudžanaha Alesia Bialackaha i źviazaŭ jaje z ahulnym ciskam na «Viasnu» za pravaabarončuju dziejnaść i dapamohu palitviaźniam, za manitorynh vybaraŭ i admienu śmiarotnaha pakarańnia. U hetym źviazku pravaabaronca zhadaŭ pra śled KDB, pakolki adpačatku sprava była inicyjavanaja mienavita Kamitetam dziaržbiaśpieki.
Pry hetym Valancin Stefanovič zapeŭnivaje, što pravaabarončy centar «Viasna» nie źbirajecca spyniać svaju dziejnaść.
Kamientary