Popieł — heta simvał pakajańnia i marnaści ludskaha byćcia.
Zhodna sa šmatviakovaj tradycyjaj Vialiki post u katalikoŭ pačynajecca z tak zvanaj Papialcovaj sierady. Popieł — heta simvał pakajańnia i marnaści ludskaha byćcia.
Papialec atrymaŭ takuju nazvu tamu, što ŭ hety dzień pryniata chadzić na imšu, padčas jakoj śviatar na łob viernikam nanosić znak kryža aśviačonym popiełam.Padčas abradu ŭskładańnia popiełu śviatar pramaŭlaje biblijnuju frazu «Bo porach ty, i ŭ porach vierniešsia».
Vialiki post u katalikoŭ doŭžycca 40 dzion.Padčas jaho vierniki zaklikany bolš času nadavać malitvie, čytańniu Śviatoha Pisańnia, spravam miłasernaści, čaściej naviedvać bohasłužby i prystupać da tajnic. Pryniata ŭstrymlivacca ad zabaŭlalnych mierapryjemstvaŭ, škodnych zvyčak i inšych śvieckich zadavalnieńniaŭ.
Što tyčycca abmiežavańniaŭ u ježy, to łacinski abrad nie ŭskładaje ciažkaha ciažaru na plečy viernikaŭ.Kataliki z 14 hadoŭ abaviazany ŭstrymlivacca ad miasnych stravaŭ u piatnicy, a
z momantu dasiahnieńnia paŭnalećcia i da 60 hadoŭ žyćcia pavinny vykonvać strohi post ŭ Papialcovuju sieradu i Vialikuju piatnicu.Strohi post zaklučajecca va ŭstrymańni ad miasa i ŭ abmiežavańni kolkaści ŭžytaj ježy: adzin raz u dzień viernik moža jeści dosyć, a dva — patrochu.
Štoniadzielu vierniki pavinny ŭdzielničać u imšy.Usio heta nieabchodna dla padrychtoŭki da śviatkavańnia Vialikadnia — Uvaskresieńnia Chrystovaha.
-
Ščadroŭku z Homielščyny viedajuć miljony ludziej pa ŭsim śviecie. U samoj Biełarusi pra jaje mała chto čuŭ
-
U čatyroch polskich haradach adbudziecca sinchronny fiestyval salidarnaści i kultury Belarus Outside Sound System
-
Reniesansny šedeŭr z Halšanaŭ nabyŭ novy vyhlad. Tak jon moh vyhladać čatyry stahodździ tamu
Kamientary