Kolkaść samahubstvaŭ u 2011 hodzie była samaj nizkaj za apošnija 15 hadoŭ
U Biełarusi źnižajecca kolkaść samahubstvaŭ, paviedamiŭ dyrektar RNPC psichičnaha zdaroŭja Siarhiej Ihumnaŭ.
Pavodle jaho słoŭ, kolkaść suicydaŭ u 2011 hodzie stała samaj nizkaj za apošnija 15 hadoŭ.
Naprykład, u paraŭnańni z2010-m jana źniziłasia z 26,1 da 22,9 vypadku na 100 tys. nasielnictva i skłała 2.170 suprać 2.478 vypadkaŭ.
Tendencyja źnižeńnia kolkaści suicydaŭ zachavałasia ŭ bolšaści rehijonaŭ za vyklučeńniem Viciebskaj vobłaści.
Ihumnaŭ padkreśliŭ, što bolšaść samazabojcaŭ u 2011 hodzie byli ŭ pracazdolnym uzroście (1.634). Taksama raskvitalisia z žyćciom 13 niepaŭnaletnich (u 2010 hodzie — 16).
U 2011 hodzie kolkaść suicydaŭ i ŭ stacyjanarach pamienšyłasia z 20 da 17 vypadkaŭ. «Śmiarotnaść ad samahubstvaŭ u psichijatryčnych stacyjanarach Biełarusi ŭ 40 razoŭ mienšaja, čym u Hankonhu, u 12 razoŭ mienšaja, čym u ZŠA», — skazaŭ Ihumnaŭ.
Maksimalnaja kolkaść samahubstvaŭ za apošnija 25 hadoŭ była ŭčyniena ŭ 1996 hodzie — 35,3 vypadku na 100 tys. nasielnictva;minimalnaja — 18,5 na 100 tysiač nasielnictva — u
Namieśnik načalnika ŭpraŭleńnia arhanizacyi miedycynskaj dapamohi Ministerstva achovy zdaroŭja Taćciana Mihal padkreśliła značnaść pracy psichijatryčnaj słužby dla źnižeńnia ŭzroŭniu suicydaŭ. Pry hetym u śfiery prafiłaktyki suicydaŭ jana ličyć aktualnaj skaardynavanuju pracu ŭsich viedamstvaŭ — heta nie tolki miedycynskaja prablema.
Mihal źviarnuła ŭvahu na toje, što Ministerstvu achovy zdaroŭja padajucca pieradśmiarotnyja zapiski ludziej, jakija raskvitalisia z žyćciom. Na padstavie ich śpiecyjalisty Ministerstva achovy zdaroŭja i Biełaruskaj miedycynskaj akademii paśladypłomnaj adukacyi analizujuć pryčyny, jakija padšturchnuli ludziej na samahubstva.
Nahodaj dla taho, kab pakončyć z saboj, siarod inšaha, moža być i niemahčymaść ciarpieć bol. Mihal padkreśliła, što nieabchodna praanalizavać takija vypadki, bo ŭ krainie pracuje sistema palijatyŭnaj dapamohi, a ŭ miedycynskaj akademii paśladypłomnaj adukacyi čytajuć lekcyi pa lačeńni chraničnaha bolevaha sindromu. «Ludzi ad bolu sychodzić nie pavinny», — skazała Mihal. Jana padkreśliła, što «za analizam statystyki pavinny być kankretnyja rašeńni».
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajskovyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary