«Tavarystva miortvych paetaŭ» – vybitnaja drama Pitera Ŭira.
Taksama na ekranie Harbataja hara
BT, 22.10
Tavarystva miortvych paetaŭ (Dead Poets Society)
ZŠA, 1989, kalarovy, 128 chv.
Režyser: Piter Ŭir
Roli vykonvajuć: Robin Ŭiljamz, Robert Šon Leanard, Etan Hoŭk, Džoš Čarlz, Hiejł Hansen, Dziłan Kasman, Alełon Rudžera
Žanr: Drama
Adznaka: 8,5 (z 10)
Francuski “Sezar” za lepšy zamiežny film. U Złučanych Štatach stužka vajšła ŭ sotniu samych kasavych za ŭsiu historyju kino.
50-yja hady. U elitny kanservatyŭny kaledž pryjaždžaje novy nastaŭnik litaratury Džon Kitynh. Zamiest taho, kab vučyć padletkaŭ kanfarmizmu j žorstkim praviłam, jon vučyć ich čałaviečnaści j tvorčaje svabodzie. Natchnionyja junaki stvarajuć patajemnaje “Tavarystva miortvych paetaŭ”, dzie raskryvajuć u vieršach svaje dušy. Ale ŭ systemy svaje zakony – jana nie žadaje ličycca sa svavolstvam i patajemnymi tavarystvami. Dy i ŭ samoj hramadzie jość zdradniki...
Sutyknieńnie žyvych dušaŭ – i źmiarćviełaha “paradku”, svabody – i padparadkavańnia, tvorčaści – i prystasavalnictva. Historyja pra nabyćcio ŭłasnaha tvaru i svajho hołasu – nasupierak usim abstavinam.
Aŭstralijski režyser Piter Ŭir, jaki zaŭždy raspaviadaŭ pra kanflikt štučnaha j pryrodnaha, aduchoŭlenaha (“Piknik la Navisłaj skały”) – zrabiŭ nastaŭnikam školnikaŭ kamedyjnaha aktora Robina Ŭiljamza. Jahony Džon Kitynh vučyć praŭdzie serca j duchoŭnaje mužnaści z takoj čałaviečaj praniźlivaściu, što hetyja ŭroki nie zapomnić nielha. Nadzvyčaj harmaničny j trapny i padbor maładych aktoraŭ.
“Tavarystva miortvych paetaŭ” – surjoznaja drama, jakaja dasiahaje trahiedyjnaha nakału i pracinaje da hłybini dušy. Karcina mieła nadzvyčajny pośpiech u Złučanych Štatach i Eŭropie.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary