U subotu dackaja palicyja ŭdzielničała ŭ bajach z maładzionami, jakija padpalvali mašyny ŭ znak pratestu suprać vysialeńnia skŭoteraŭ z moładzievaha centru Kapenhahienu.
U subotu dackaja palicyja ŭdzielničała ŭ bajach z maładzionami, jakija padpalvali mašyny ŭ znak pratestu suprać vysialeńnia skŭoteraŭ z moładzievaha centru Kapenhahienu.
Demanstranty zapuskali kaktejli Mołatava i kamiani ŭ palicyju, jakaja prymianiała ŭ ranišnich bojkach. Pa mienšaj miery 200 aktyvistaŭ byli zatrymanyja ŭ bojkach i nastupnych palicejskich rejdach.
Palicyja, jakaja ŭžyvała viertaloty i vadamioty, kab vyhnać skŭoteraŭ z centru ŭ čaćvier, abychodziła ŭ subotu damy, kab znajści zamiežnych aktyvistaŭ, jakija, jak kažuć, buduć vydalenyja. Presa paviedamlała pra blizu 50 zamiežnikaŭ, uklučajučy niemcaŭ.
U subotniuju noč siły palicyi byli kinutyja na bojki, była vyklikanaja dapamoha ź inšych rajonaŭ, a taksama vykarystoŭvalisia palicejskija hruzaviki z Švecyi, pra što paviedamiŭ pradstaŭnik palicyi Flemming Steen Munch.
Novaja demanstracyja, pa słovach aktyvistaŭ, planavałasia ŭ stalicy na dziesiatuju hadzinu viečaru. Pratestantaŭ zaklikali da hetaha masavymi sms‑paviedamleńniami.
«Baraćba praciahniecca doŭhi čas. Kolki nia budzie ŭ Kapenhahienie Doma dla moładzi, stolki budzie praciahvacca boj za toje, kab jaho atrymać,» – skazaŭ Žan, pradstaŭnik moładzievaha centra.
Kanflikt, źviazany z moładzievym centram, zakipaŭ z 2000 hodu, kali miascovyja ŭłady pradali budynak relihijnaj hrupoŭcy. Aktyvisty, što naležać da levych partyjaŭ, vykarystoŭvali jaho z 1982 hodu, ale novyja ŭładalniki ŭ 2006 hodzie zdabyli sudovy order na vyhnańnie skŭoteraŭ.
Padčas pratestaŭ demanstranty padpalvali aŭtamabili i barykady, ździejśnili akt vandalizmu ŭ škole, kidali ŭ palicyjantaŭ kaktejli Mołatava i kamiani.
Pa dadzienych palicyi dva aficery palicyi i troje pratestujučych atrymali traŭmy.
Aktyvisty paklalisia praciahvać pratesty, kab zachapić kantrol nad stareńkim budynkam u Narebra – šmatetničnym pracoŭnym rajonie, jaki maładziony ŭziali ŭ karystańnie ad kiraŭnictva ŭ 1982, kab pravodzić kancerty i inšyja imprezy.
Jany niekalki razoŭ zaklikali da palityčnaha vyrašeńnia kanfliktu, ale atrymali prapanovu pierajechać u inšaje miejsca.
Ministar justycyi Lene Espersen u piatnicu ŭchvaliła pavodziny palicyi ŭ dačynieńni da demanstrantaŭ, nakiravanyja na jak maha mienšaje traŭmavańnie ludziej, i zaklikała baćkoŭ adhavaryć dziaciej užyvać hvałt.
U 1993 hodzie dackaja palicyja pieršy i adziny raz paśla Druhoj suśvietnaj vajny ŭdzielničała ŭ padaŭleńni demanstracyi paśla referendumu ab Maastryckaj damovie ab Eŭraźviazie.
Tady było zroblena ahułam 113 vystrałaŭ i paraniena dzieviać čałaviek, što vyklikała hramadzkuju niezadavolenaść i refarmavańnie stratehii palicyi.
Zaraz u zamožnaj i mirnaj paŭnočnaj krainie znoŭ niespakojna. Ale ŭ Danii isnuje tradycyja nonkanfarmizmu i talerantnaści ŭ dačynieńni da paŭstancaŭ suprać uładaŭ, i mnohija žychary Kapenhahiena kažuć, što jany padtrymlivajuć maładzionaŭ u ichnim žadańni zastacca ŭ starym budynku.
Kamientary