Biełaruś za 2012 hod pavinna vypłacić $18,9 miljarda doŭhu
Nacbank apublikavaŭ ašałamlalnyja ličby zabaviazańniaŭ Biełarusi.
Pryvid Hrecyi paŭstaŭ u vačach tych ekanamistaŭ, jakija pabačyli hetyja ličby: Nacbank aceńvaje vypłaty na absłuhoŭvańnie vałavoha zamiežnaha doŭhu ŭ 2012 hodzie ŭ sumu $18,9 miljarda. Heta składaje 34,6% ad VUP krainy.
Ź ich dziaržava spłacić 1,78 miljarda, astatniaje — pradpryjemstvy i banki.Prahnoz pryviedzieny ŭ ahladzie apłatnaha bałansu za 2011 hod.
Pa prahnozie Minekanomiki, ekspart tavaraŭ i pasłuh sioleta składzie $49,87 miljarda. Takim čynam, absłuhoŭvańnie vonkavaha doŭhu ŭ 2012 hodzie aceńvajecca na 37,9% ad hadavoha abjomu ekspartu.
Jak paviedamlałasia, vałavy vonkavy doŭh Biełarusi na 1 studzienia 2012 hoda skłaŭ $34,028 miljarda.
A voś vonkavy doŭh urada dasiahnuŭ $12,351 miljarda (22,6% VUP), pavialičyŭšysia za hod na 22,8%.
U 2011 hodzie kraina vypłaciła 6,3 miljarda dalaraŭ na absłuhoŭvańnie zamiežnaha doŭhu. Heta składała 11,6% ad VUP.Navat samo paraŭnańnie hetych ličbaŭ pakazvaje, što 2012 hod budzie hodam zacisnutych pasaŭ. Uradu pryjdziecca pradać dolu ŭ «Biełaruśkalii» i atrymać takim čynam srodki dla «vykupnoha» za kredyty subjektaŭ haspadarańnia abo vieści ciažkija pieramovy ab restrukturyzacyi, pieranosie vypłat. Inakš mnohija zapazyčanyja pradpryjemstvy i banki zbankrutujuć.
$18,9 miljarda, abo 34,6% ad VUP — heta hihanckaja suma dla ekanomiki. Takaja ahromnistaja suma vypłat tłumačycca vysokaj dolaj karotkaterminovych, niavyhadnych kredytaŭ, jakija kraina brała ŭ 2010 i 2011 hadach.
Ekanamist Źmicier Kruk tłumačyć, što $18,9 miljarda — heta hrošy, jakija b biełaruskija arhanizacyi musili spłacić, kali b viartali ŭsie karotkaterminovaja płaciažy.
«Ale takoje nikoli nie zdarajecca, bo častka kredytaŭ budzie refinansavanaja», — miarkuje jon.
Padobnaha mierkavańnia prytrymlivajecca i ekanamist Dźmitryj Ivanovič. «U dadzienym vypadku ličać uvieś karotkaterminovy zamiežny łoŭh plus pracentnyja płaciažy. Prablemy mohuć uźniknuć, kali nie budzie prodažu aktyvaŭ na $2,5 miljarda i kali salda zamiežnaha handlu nie budzie takim, jak u pačatku hoda», — prahnazuje jon.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary