A čaho ž ty, łysy, z vołasam rasstaŭsia? Ad taho što rana ź dzieŭkami ciahaŭsia.
Dyk voś, sprava našmat bolš składanaja, čym śćviardžajecca ŭ pieśni. Pryčyny łysieńnia bijachimičnyja, i heta daje mahčymaść raspracoŭki miedykamientaŭ. Hrupa navukoŭcaŭ Piensilvanskaha ŭniviersiteta (ZŠA) dakazała, što ŭ 95% vypadkaŭ pryčynaj abłysieńnia mužčyn źjaŭlajecca andrahienetyčnaja ałapiecyja. Pry hetym zboi adbyvajecca stančeńnie i strata vałasoŭ na patylicy i łobie, rastłumačyli navukoŭcy. Takaja forma ałapiecyi sustrakajecca ŭ 80% mužčyn va ŭzroście da 70 hadoŭ.
Hrupa amierykanskich navukoŭcaŭ vyvučała ŭzory skury hałavy, uziatych u łysych mužčyn, a taksama ŭ pacyjentaŭ z pačatkovaj stadyjaj łysieńnia. U doślednych uzorach tkanin vyjaŭleny lišak prostahłandynu D2, pry hetym u skury łysych ŭzrovień utrymańnia rečyva byŭ u try razy vyšejšy, čym u łysiejučych.
Daśledniki praviali sieryju ekśpierymientaŭ na łabaratornych myšach. Vałasianyja falikuły, apracavanyja prostahłandynam D2, davali karotkija vałasy. Akramia taho, pry ŭździejańni na falikuły adnym z vytvornych prostahłandynu rost vałasoŭ spyniaŭsia całkam. Adnak prysutnaść prostahłandynu F2-alfa, naadvarot, stymulavała praces rostu.
Taksama navukoŭcy vyśvietlili, što białkovy receptar GPR44 błakuje dziejańnie prostahłandynu D2. Takim čynam, vyjaŭleny miechanizm dazvolić raspracavać novy padychod da lačeńnia łysieńnia ŭ mužčyn, ličać daśledniki.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich3
Kamientary