Minčanie stali śviedkami pahoni za «Mersedesam» siońnia dniom.
Aŭtamabil bačyli na roznych vulicach horada. U rajonie Akademii navuk jon byŭ užo z pabitym škłom (mahčyma, prastrelenym). Mašynu pieraśledvali niekalki ekipažaŭ DAI.
Karystalnik forum.onliner.by pad nikam ZenaY91 napisaŭ, što kala kłuba «NŁO» DAI pierakryvała darohu. «Mersedes» jechaŭ pa Ja. Kołasa ŭ bok «NŁO»,
pierad samym kłubam chacieŭ zajechać u prajezd da kłuba, inśpiektar DAI litaralna ciełam loh na aŭtamabil i nie daŭ prajechać.
«Mersedes» zbočyŭ u zavułak, jaki viadzie da kinateatra «Kastryčnik». Vidavočca dakładna nie ŭpeŭnieny, ale čuŭ huki padobnyja da stralby.
Vidavočca Irinka2202 napisała na forumie: «Spačatku «Mers», a za im mašyna DAI pralacieli na šalonych chutkaściach pa Surhanava, mima «Jeŭropy» da Banhałor. Apynuŭšysia znoŭ kala «Jeŭropy», «Mers», ratujučysia ad pieraślednikaŭ, palacieŭ pa tratuary i pa kłumbach. Pavodle jaje słoŭ, inśpiektar DAI kinuŭ u «Mersedes» niejki pradmiet (pałku abo kamień), usia pahonia supravadžałasia sirenami i krykami ŭ hučnahavaryciel.
Jak paviedamlaje DAI HUUS Minharvykankama, «Mersedes» adarvaŭsia ad pieraśledu supracoŭnikaŭ DAI na MKAD. Jaho pošuki buduć praciahnutyja.
U DAI abvierhli infarmacyju ab prymianieńni zbroi inśpiektarami:
«Stralaniny nasamreč nie było. Bo heta mahło być niebiaśpiečna dla navakolnych. Akramia taho, na zadnim siadzieńni aŭtamabila znachodzilisia pasažyry».
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary