Labiedźku, Kalakina i Atroščankava sudziać u napaŭzakrytym režymie
U zału haradskoha suda ŭ Oršy puścili tolki žonku Kalakina i baćku Atroščankava.
16:04
Paśla pierapynku adnaŭlajecca pasiadžeńnie. U zału zapuścili tolki 7 čałaviek, jakija byli da pierapynku. Zała zapoŭniena supracoŭnikami milicyi. Puścili Taćcianu Kalakinu.
Ludzi, jakija byli ŭnutry, raspaviali, što Alaksandr Atroščankaŭ zapatrabavaŭ advakata. Jamu prapanavali vybrać kaho-niebudź z troch dziaržaŭnych. Atroščankaŭ zajaviŭ, što choča zaprasić svajho advakata. Tady sudździa jamu skazała, što ŭvohule zastaniecca biez advakata.
15.20
Abvieščany pierapynak na 20 chvilinaŭ. Labiedźka, Kalakin i Atroščankaŭ zajavili chadajnictva, što im treba aznajomicca z materyjałami spravy. Stała viadoma, što pratakoły składzienyja pa artykule 17.1 Administratyŭnaha kodeksu («Drobnaje chulihanstva»)
14.55
Pačali prapuskać u zału suda — biez fotaaparataŭ, kampjutaraŭ, telefonaŭ. Tudy prajšoŭ baćka Atroščankava Siarhiej. Usiaho prapuścili 8 čałaviek, i skazali, što miescaŭ bolš niama.
12.20
Siarhiej Atroščankaŭ napisaŭ skarhu ŭ sudovuju knihu skarhaŭ. Čamu sud zrabili zakrytym, čamu jaho padmanvali pra miesca i čas sudu, čamu jaho, baćku abvinavačanaha, nie puskajuć u sudovuju zału.
12.15
Baćku Atroščankava Siarhieja nie prapuścili ŭ zału. Zajavili, što kali sudździa pažadaje, jana jaho vykliča. Valer Ščukin svaim ciełam zabłakavaŭ dźviery na treci pavierch. Jon loh na padłohu ŭ dźjarach, kab ich nie začynili.
Na treci pavierch nie puskajuć navat supracoŭnikaŭ suda.
12.10
Sudovaje pasiadžeńnie viadzie sudździa Natalla Bajcova. Supracoŭniki haradzkoha adździeła milicyi kažuć, što vykonvajuć rašeńnie suda nikoha nie puskać u zału. Pravaabaronca Valeryj Ščukin sprabuje prarvacca praź milicejskaje ačapleńnie, jamu pahražajuć zatrymańniem. Nikomu nie viadoma, što adbyvajecca na trecim paviersie, ci idzie ŭžo tam praces.
11.55
Labiedźku, Kalakina i Atroščankava chutčej za ŭsie pryvieźli ŭ haradski sud.
10.50
Kala hanka aršanskaha haradskoha suda znoŭ sabralisia niekalki aktyvistaŭ, jakija čakajuć, kali ž u sud pryviazuć Labiedźku, Kalakina i Atroščankava.
Baćku Atroščankava Siarhieju paviedamili, što, a
***
10:20
U adździaleńni milicyi na transparcie baćku Alaksandra Atroščankava znoŭ paćvierdzili, što sud pavinien adbycca siońnia, 29 sakavika. Ale nichto nie kaža pra dakładny čas sudovaha pasiadžeńnia.
Kala hanku aršanskaha haradskoha suda znoŭ sabralisia niekalki aktyvistaŭ, jakija čakajuć, kali ž u sud pryviazuć Labiedźku, Kalakina i Atroščankava.
Lidara partyi levych «Spraviadlivy śviet» Siarhieja Kalakina, kiraŭnika AHP Anatola Labiedźku i byłoha palitviaźnia, kaardynatara «Jeŭrapiejskaj Biełarusi» Alaksandra Atroščankava unačy na 28 sakavika ŭ Oršy źniali ź ciahnika Minsk — Maskva.Labiedźka, Kalakin i Atroščankaŭ nakiroŭvalisia ŭ Maskvu, adkul płanavali vylecieć u Brusel dla ŭdziełu ŭ sustrečy z pradstaŭnikami Jeŭrakamisii. Alaksandr Atroščankaŭ, akramia taho, byŭ zaprošany na zapis intervju dla «Ruskaj słužby navin» u Maskvie.
* * *
29 sakavika 2012 h. kamisar pa pytańniach pašyreńnia i palityki susiedstva Štefan Fiule pavinien aficyjna abviaścić pačatak dyjałohu pa reformach i madernizacyi Biełarusi,pa raźvićci adnosinaŭ ź Jeŭrasajuzam. U hetym dyjałohu płanujecca ŭdzieł hramadzianskaj supolnaści i biełaruskaj demakratyčnaj apazicyi.
Ź Biełarusi nie zmahli apošnim časam vyjechać: palityki — Anatol Labiedźka, Siarhiej Kalakin, Viktar Karniajenka, Stanisłaŭ Šuškievič, Vincuk Viačorka, Valeryj Uchnaloŭ, Leŭ Marholin; pravaabaroncy — Aleh Hułak, Valancin Stefanovič, Andrej Bandarenka, Hary Pahaniajła, Aleh Voŭčak; žurnalisty — Žanna Litvina, Michaił Jančuk, Andrej Dyńko.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary