Parlament Hruzii adnahałosna prahałasavaŭ za ŭstupleńnie krainy ŭ NATO
«Siabroŭstva ŭ NATO źjaŭlajecca najlepšaj harantyjaj adzinstva, terytaryjalnaj cełasnaści, biaśpieki i demakratyčnaha raźvićcia Hruzii», — havorycca ŭ dakumencie.
«Za» ŭstupleńnie Hruzii ŭ Paŭnočnaatlantyčny aljans prahałasavali 160 deputataŭ hruzinskaha parlamentu, tolki adzin ustrymaŭsia. Takim čynam, u adpaviednaści z padpisanym raniej memarandumam, parlament krainy pryznaŭ, što «siabroŭstva ŭ NATO źjaŭlajecca najlepšaj harantyjaj adzinstva, terytaryjalnaj cełasnaści, biaśpieki i demakratyčnaha raźvićcia Hruzii».
Jak zaznačajecca ŭ memarandumie nakont ustupleńnia ŭ NATO, padpisanym u aŭtorak, 13 sakavika, usimi hruzinskimi palityčnymi siłami, Hruzija «pryncypova nie padzialaje dumki pra mahčymy neŭtralitet jak alternatyvu NATO, a taksama ličyć całkam biespadstaŭnaj dumku pra toje, što praces intehracyi i ustupleńnie ŭ NATO stvaraje jakuju‑niebudź pahrozu terytaryjalnaj cełasnaści krainy».
Pavodle śpikiera hruzinskaha parlamenta Nino Burdžanadze, Deklaracyja pra poŭnaje i terminovaje ŭstupleńnie Hruzii ŭ aljans «dapamoža nam vyrašyć praktyčna ŭsie prablemy, pačynajučy ad praciahcu demakratyčnych pracesaŭ i skančajučy adnaŭleńniem terytaryjalnaha adzinstva krainy».
Ciapier čytajuć
Kurejčyk: Dzieci Cichanoŭskich pierajechali ŭ ZŠA5
Kamientary