Spažyvieckija ceny ŭ sakaviku vyraśli na 1,5%, z pačatku hoda — na 5%.
Vałavy ŭnutrany pradukt Biełarusi za studzień—sakavik 2012 hoda vyras na 3% u paraŭnańni z anałahičnym letašnim pieryjadam i skłaŭ 105,6 trłn. rubloŭ, paviedamlaje Nacyjanalny statystyčny kamitet.
U studzieni—lutym hetaha hoda ŭ paraŭnańni sa studzieniem—lutym 2011 hoda rost VUP taksama skłaŭ 3%, u 2011 hodzie ŭ paraŭnańni z 2010-m — 5,3% pry płanie 9—10%.
U 2012 hodzie VUP zhodna z zadańniem pavinien vyraści ŭ paraŭnańni z 2011-m na 5—5,5%.
Vytvorčaść pramysłovaj pradukcyi za studzień—sakavik pavialičyłasia na 8,3% da 153,6 trłn. rubloŭ (hadavy prahnoz — 6—7%). Udzielnaja vaha inavacyjnaj pradukcyi ŭ ahulnym abjomie adhružanaj pradukcyi skłała 17,8% (13,5—14,5%).
Vypusk sielhaspradukcyi haspadarkami ŭsich katehoryj vyras na 5% da 13,8 trłn. rubloŭ (4—5%), sielhasarhanizacyjami — na 4,5% da 12,8 trłn. rubloŭ.
Inviestycyi ŭ asnoŭny kapitał skaracilisia na 15,1% da 23,5 trłn. rubloŭ. Uviedziena ŭ ekspłuatacyju 1 młn. 344,4 tys. kv. m žylla (na 5,3% bolš za letašni pakazčyk).
Abjom pieravozki hruzaŭ transpartam pamienšyŭsia na 4,4% da 69,7 młn. ton, roźničny tavaraabarot vyras na 7,4% da 41,1 trłn. rubloŭ.
Spažyvieckija ceny ŭ sakaviku vyraśli na 1,5%, z pačatku hoda — na 5%, u paraŭnańni z sakavikom 2011 hoda — na 106,5%. Ceny vytvorcaŭ pramysłovaj pradukcyi ŭ sakaviku pavialičylisia na 1,6%, z pačatku hoda — na 5,6%, u paraŭnańni z sakavikom 2011 hoda — na 144,6%.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku19
Kamientary