U Biełarusi siaredni kłas — heta ŭładalnik kvatery i doma ŭ vioscy

Jak vyjaviłasia, u hetuju katehoryju zapisali siabie tyja, chto zarablaje ŭ miesiac ad 2,5 młn rubloŭ (dadzienyja na pačatak sakavika). Kali suadnosić hetyja dadzienyja sa statystykaj zarobkaŭ, to atrymlivajecca, što kožny treci žychar stalicy adčuvaje siabie siarednim kłasam.

Darečy, heta tolki na pieršy pohlad moža zdacca, što samaacenka ŭ biełarusaŭ zavyšanaja.

Nasamreč niejkaha trafaretnaha padychodu da navukovaha vyznačeńnia siaredniaha kłasa niama nidzie ŭ śviecie. Tradycyjna pryniata ličyć, što heta ludzi, jakija znachodziacca pamiž samymi bahatymi i samymi biednymi. Ale pry hetym sieradniak-litoviec abo sieradniak-rasijec zaŭsiody maje svaju mašynu i dom, a sieradniak-ukrainiec choć i zarablaje prystojna, ale pałovu hrošaj tracić na ježu.

U elitu zapisvacca jašče rana, ale i žabrakami być užo soramna

— Krytery vyznačeńnia siaredniaha kłasa ŭ kožnaj krainie roznyja, — kaža dyrektar Minskaha navukova-daśledčaha instytuta sacyjalna-ekanamičnych prablem Aleh Kabiak. — Kali ŭ ZŠA adzin z pakazčykaŭ siaredniaha kłasa — vyšejšaja adukacyja, to ŭ nas tut jość niuans. Naprykład, u nas možna skončyć škołu, vučylišča, udała ŭładkavacca na pracu i atrymlivać zarobak kala 3 młn rubloŭ. Ale pry hetym čałaviek, jaki paśla VNU vyrašyŭ zaniacca navukovaj dziejnaściu, pačynaje z zarpłaty krychu bolš za 1 młn rubloŭ.

— Ja b adnosiła da siaredniaha kłasa tych, chto nie prosta chodzić na pracu i atrymlivaje stabilnuju zarpłatu, ale moža prymianić u žyćci atrymanuju adukacyju i robicca prafiesijanałam,

Jak vyhladaje siaredni kłas u roznych krainach

RASIJA

Prybytak — ad 1000 dalaraŭ. Kvatera abo dom. Mašyna. Bankaŭskija aščadžeńni. Miesca pracy: naftahazavy kompleks, enierhietyka, finansavy siektar.

ZŠA

Prybytak — 2–8 tys. dalaraŭ. Ułasnaje žyllo (časta — pabudavanaje ŭ kredyt). Aŭtamabil u kožnaha člena siamji. Rachunak u banku, aščadžeńni. Miesca pracy: daktary, jurysty, architektary, inžyniery, akramia vyšejšaj adukacyi časta majuć navukovuju stupień.

BIEŁARUŚ

Zarpłata — ad 400 dalaraŭ i vyšej. Kvatera va ŭłasnaści i dača (časta ŭ vyhladzie viaskovaha doma). Maje mahčymaść atrymać i vypłacić kredyt na bujnyja pakupki. Pajezdka na adpačynak raz na hod (chacia b u Krym dzikunom). Maje chobi, jakoje patrabuje peŭnych materyjalnych układańniaŭ (katańnie na łyžach, boŭlinh, udzieł u rycarskich kłubach i hetak dalej). Moža pracavać jak u dziaržsiektary, tak i ŭ pryvatnym biznesie.

UKRAINA

Zarpłata — ad 1000 dalaraŭ. Ułasnaje žyllo. Aŭto nie starejšaje za 10 hadoŭ. Rachunak u banku. Da pałovy ŭsich vydatkaŭ sychodzić na charčavańnie. Dzie pracuje: maje ŭłasny biznes abo pracuje ŭ śfiery handlu, absłuhoŭvańnia, orhanach dziaržkiravańnia.

LITVA

Zarobak — 1500–1800 dalaraŭ. Žyvie ŭ horadzie. Maje svajo žyllo. Adzin aŭtamabil na siamju. Moža apłačvać navučańnie svaich dziaciej.

• 0
• 0
• 0
• 0
• 0
• 0
• 0
• 0