Łukašenka: «Raźbiežka pa zarobkach pamiž samym biednym i samym bahatym u Biełarusi adzin da troch»
Łukašenka nie vyklučaje, što da kanca hoda zarobki mohuć padvysicca jašče niekalki razoŭ.
Ab hetym jon zajaviŭ siońnia, adkazvajučy na pytańni žurnalistaŭ.
«Jašče paru razoŭ sioleta, adčuvaju, ekanomika narmalna pracuje, my vyjdziem na pavyšeńnie zarobkaŭ», — skazaŭ Łukašenka. Pry hetym jon dadaŭ, što takoje pavyšeńnie mahčyma tolki pry narmalnaj rabocie ekanomiki, vysokaj pradukcyjnaści pracy.
«Upeŭnieny, na praciahu hetaha hoda my zraŭniajemsia i dasiahniom prykładna taho siaredniaha ŭzroŭniu zarobkaŭ, što ŭ susiedziaŭ», — skazaŭ jon.
Łukašenka adznačyŭ, što na bujnych biełaruskich pradpryjemstvach, tak zvanych fłahmanach, užo dastatkova vysoki ŭzrovień zarobkaŭ.
«Durnych hrošaj nichto nie płacić. Ale zarabotnaja płata, dapuścim, u naftavikoŭ — kala $800 u miesiac, BiełAZ, MAZ, MTZ, mašynabudavańnie — … zvyš $ 500 dalaraŭ, da $700 u niekatorych. A pačynałasia z $300Tamu pavoli padciahvajecca», — skazaŭ jon.
«Voś, kažuć, u Rasii zarobak u paŭtary razy vyšej. Razumiejecie, jak ličycca hetaja zarpłata?Jość, dapuścim, aliharch ź miljardami dalaraŭ stanu, a jość zvyčajny sielanin, jaki praktyčna ničoha nie atrymlivaje. U kuču skłali, padzialili, atrymali siaredniuju. A chto hetuju siaredniuju zarpłatu maje? — skazaŭ Łukašenka. Jon źviarnuŭ uvahu na toje, što ŭ Biełarusi niama takoj vialikaj roźnicy ŭ zarobkach.
«U nas heta raŭniej. U ich adzin da tryccaci, prykładna, raźbiežka pa zarabotnaj płacie pamiž samym biednym i samym bahatym, a ŭ nas adzin da troch, adzin da čatyroch, tak, jak u pieradavych krainach Jeŭropy, u lepšych krainach, dapuścim, u Šviecyi.Heta taksama treba ŭličvać», — miarkuje Łukašenka.
Pry hetym jon taksama paprasiŭ ŭličvać i ŭzrovień cen.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary