Лукашэнка: «Разбежка па заробках паміж самым бедным і самым багатым у Беларусі адзін да трох»
Лукашэнка не выключае, што да канца года заробкі могуць падвысіцца яшчэ некалькі разоў.
Аб гэтым ён заявіў сёння, адказваючы на пытанні журналістаў.
«Яшчэ пару разоў сёлета, адчуваю, эканоміка нармальна працуе, мы выйдзем на павышэнне заробкаў», — сказаў Лукашэнка. Пры гэтым ён дадаў, што такое павышэнне магчыма толькі пры нармальнай рабоце эканомікі, высокай прадукцыйнасці працы.
«Упэўнены, на працягу гэтага года мы зраўняемся і дасягнём прыкладна таго сярэдняга ўзроўню заробкаў, што ў суседзяў», — сказаў ён.
Лукашэнка адзначыў, што на буйных беларускіх прадпрыемствах, так званых флагманах, ужо дастаткова высокі ўзровень заробкаў.
«Дурных грошай ніхто не плаціць. Але заработная плата, дапусцім, у нафтавікоў — каля $800 у месяц, БелАЗ, МАЗ, МТЗ, машынабудаванне — … звыш $ 500 даляраў, да $700 у некаторых. А пачыналася з $300Таму паволі падцягваецца», — сказаў ён.
«Вось, кажуць, у Расіі заробак у паўтары разы вышэй. Разумееце, як лічыцца гэтая зарплата?Ёсць, дапусцім, алігарх з мільярдамі даляраў стану, а ёсць звычайны селянін, які практычна нічога не атрымлівае. У кучу склалі, падзялілі, атрымалі сярэднюю. А хто гэтую сярэднюю зарплату мае? — сказаў Лукашэнка. Ён звярнуў увагу на тое, што ў Беларусі няма такой вялікай розніцы ў заробках.
«У нас гэта раўней. У іх адзін да трыццаці, прыкладна, разбежка па заработнай плаце паміж самым бедным і самым багатым, а ў нас адзін да трох, адзін да чатырох, так, як у перадавых краінах Еўропы, у лепшых краінах, дапусцім, у Швецыі.Гэта таксама трэба ўлічваць», — мяркуе Лукашэнка.
Пры гэтым ён таксама папрасіў ўлічваць і ўзровень цэн.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары