U sakaviku 2012 hoda Biełaruś zaniała pieršaje miesca siarod šerahu krain SND i Jeŭropy pa rostu spažyvieckich cen. Paraŭnalnyja źviestki apublikavaŭ Nacyjanalny statystyčny kamitet. Dahetul bolš čym paŭhoda Biełaruś zastavałasia lidaram pa tempach inflacyi. Tolki ŭ studzieni 2012 hoda jaje apiaredziła Vienhryja, u lutym Biełaruś taksama była na pieršym miescy.
U sakaviku biełaruskaja inflacyja da lutaha 2012 hoda skłała 1,5%,u toj čas jak u Litvie i Estonii — 1%, Vienhryi — 0,8%, Ispanii — 0,7%, Łatvii — 0,6%, Italii, Polščy, Rasii — 0,5%, Finlandyi i Turcyi — 0,4%, Słavakii, Ukrainie, Bałharyi, Hiermanii, Kazachstanie — 0,3%, Čechii — 0,2%. U Narviehii ceny źnizilisia na 0,1%.
Razam z tym Biełaruć nie ŭvajšła ŭ trojku lidaraŭ pa rostu indeksa cen na pradukty charčavańnia i biezałkaholnyja napoi ŭ sakaviku adnosna lutaha i zaniała šostaje miesca ŭ śpisie z pakazčykam 0,9%. Taki pakazčyk ŭ Vienhryi. Ich apiaredzili: Čechija — 1,9%, Słavakija — 1,8%, Polšča — 1,2%, Litva — 1,1%. Za Biełaruśsiu i Vienhryjaj iduć: Rasija — 0,8%, Bałharyja i Łatvija — 0,7%, Kazachstan i Finlandyja — 0,5%, Hiermanija —0,3%, Narviehija i Ukraina — 0,2%, Ispanija i Italija — 0,1%. U Turcyi ceny źnizilisia na 0,3%, Irłandyi — na 0,1%.
U Biełarusi ŭ 2011 hodzie zafiksavana samaja vysokaja inflacyja za apošnija dziesiać hadoŭ. Za hod spažyvieckija ceny ŭ Biełarusi pavialičylisia na 108,7%, u tym liku za śniežań — na 2,3%. Nahadajem, prahnozam sacyjalna-ekanamičnaha raźvićcia Biełarusi płanavałasia inflacyja na ŭzroŭni 7,5—8,5%. U 2012 hodzie płanujecca ŭtrymać inflacyju ŭ miežach 19—22%.
Kamientary