Statkievič - žoncy: Daruj, rodnaja, ale padpisać prašeńnie nie mahu
Eks-kandydat u prezydenty: moj susied prysiahnuŭ, što nikoha nie zabivaŭ.
U svaim liście da žonki Mikałaj Statkievič napisaŭ pra siabie, pra susieda, patłumačyŭ matyvy svaich učynkaŭ.
«Z [času] majho apošniaha lista 16.04 dajšła infarmacyja pra šmat roznych padziej. Ščyra ŭzradavała navina pra vyzvaleńnie Andreja i Dźmitryja [Sańnikava i Bandarenki]. Rady za ich i ichnija siemji. Pieradavaj im maje pryvitańni.
Ale, daruj, maja rodnaja, hety šlach na volu dla mianie nieprymalny. Ja nie zdolny zdradzić sabie, nie zdolny prynizić tych ludziej, jakija źbirali podpisy za mianie, stavili podpisy za majo vyłučeńnie, hałasavali za mianie, vyjšli pa majmu zakliku na Płošču».
Pra toje, jak ekanamičnaja situacyja ŭ krainie adbivajecca na žyćci ŭ turmie...
«Darečy, daviedaŭšysia pra vyzvaleńnie Andreja i Dźmitryja, my z susiedam adśviatkavali hetuju padzieju, «zarezaŭšy» z hetaj nahody apošni z chałvičnych batončykaŭ. Pakul ja tut, košt takich batončykaŭ u «atavarcy» vyras amal u 2,5 razy. Cikava, na voli jany taksama pa 2400 rub?»
Mikałaj Viktaravič padćvierdziŭ taksama, što pra susieda, jakuju jon pračytaŭ u haziecie, «praŭdzivaja, kali kazać pra proźvišča i minułuju pasadu», ale «jon - čałaviek vierujučy i na našych ikonkach prysiahnuŭ, što nikoha pa hetych spravach nie zabivaŭ».
Heta, pa słovach Mikoły Statkieviča, i stałasia hałoŭnaj pryčynaj, čamu jon «nie staŭ pratestavać suprać znachodžańnia ŭ adnoj kamiery».
Praŭda, spakojny aptymizm, ź jakim Mikałaj Viktaravič zaviaršaje list, pa słovach žonki, turbuje jaje navat bolej, čym papiarednija drennyja naviny, chacia pačućcio humaru i vytrymka palitviaźnia nie pakinuli. Jon piša:
«Što tyčycca ŭsich hetych hulniaŭ vakoł mianie, to jany ŭnosiać raznastajnaść u majo vielmi manatonnaje žyćcio i čas idzie značna chutčej».
***
26 maja 2011 hoda sud Leninskaha rajona Minska pryhavaryŭ Mikałaja Statkieviča da šaści hadoŭ pazbaŭleńnia voli ŭ kałonii ŭzmocnienaha režymu. Sud pryjšoŭ da vysnovy, što mienavita Statkievič razam ź jašče adnym kandydatam u prezidenty, Dźmitryjem Usam, «rychtavali masavyja biesparadki» i ŭznačalvali «biasčynstvujučy natoŭp» padčas šeścia pa praśpiekcie Niezaležnaści 19 śniežnia 2010 hoda.
12 studzienia 2012 h. Statkievič byŭ pieraviedzieny na try hady na turemny režym
-
Na Biełastoččynie prajšoŭ fiestyval biełaruskaj tradycyi Soncahraj FOTY
-
Žonka Alaksandra Milinkieviča raskazała pra jahony stan: pamiać zachavałasia, ale z ruchalnym aparatam vialikija prablemy
-
«Ja ŭ kałonii byŭ bolš volny». Były palitviazień Tamaz Pipija raskazaŭ pra 6 hadoŭ za kratami i novuju paranaidalnuju biełaruskuju realnaść
Kamientary