Vializnaja freska ŭpryhožyć ałtarnuju častku katalickaha chrama.
Viadomy italjanski mastak Fabia Nonies prybyŭ u Homiel, kab ahledzieć pamiaškańnie miascovaha kaścioła, dzie jon płanuje napisać vialikuju fresku. Majstar raśpiša ŭsiu ałtarnuju častku chrama. Što budzie na karcinie, nastajaciel pakul nie kaža, pakidajučy dla viernikaŭ nievialiki siurpryz. Ale hałoŭnaj temaj ałtarnaj ikony stanie, biezumoŭna, Naradžeńnie Najśviaciejšaj Dzievy Maryi, raskazali ŭ homielskim kaściole.
- Kali Boh błasłavić hetuju spravu, to spadziajemsia ŭsio paśpieć da našaha chramavaha śviata, jakoje adznačajem 8 vieraśnia. A pakul mastak źniaŭ mierki, abmierkavaŭ z nami kampazicyju i budzie raspracoŭvać prajekt, - kaža śviatar.
Jak raniej paviedamlaŭ sajt homielskaha kaścioła, ałtarny abraz chrama chacieli raśpisać ajcy-biernardyncy ź Litvy, vučni Fabia Noniesa. Adnak manachi nie ŭsio ž nie ŭzialisia za takuju maštabnuju pracu i paraili źviarnucca da svajho nastaŭnika. Mahčyma, jany buduć dapamahać jamu raśpisvać abraz.
Raspačać pracu płanujecca ŭ kancy lipienia - pačatku žniŭnia hetaha hoda.
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary