Kali my chočam ušanavać mužnaść biełarusaŭ, bolš adpaviedna rabić toje z vykarystańniem nacyjanalnych koleraŭ — bieł-čyrvona-biełych ci čyrvona-zialonych, chto jakija vyznaje.
U apošnija hady ŭ Biełarusi, uśled za Rasijaj, źjaviłasia tradycyja pierad 9 Maja upryhožvać aŭtamabili i damy čorna-aranžavymi stužkami – tak zvanymi hieorhijeŭskimi.
Ich rekłamujuć na biłbordach, raźviešvajuć na vitrynach kramaŭ, razdajuć na vulicach. Što heta za stužka i jakoje dačynieńnie da Biełarusi jana maje?
Čorna-aranžavaja stužka ŭpieršyniu źjaviłasia jak dadatak da samaj vysokaj uznaharody Rasijskaj Impieryi – Ordena śviatoha Hieorhija. Jaje kolery aznačali dym i ahoń i śviedčyli ab mužnaści žaŭniera na miescy boju. Paśla raspadu Impieryi ŭsie jaje ŭznaharody vyjšli z užytku i ŭ SSSR hieorhijeŭskaja stužka viarnułasia tolki ŭ časy vajny pad nazvaj «hvardziejskaj». Joj upryhožvali Orden Słavy, a paśla vajny i miedal «Za pieramohu nad Hiermanijaj».
Ordenam Słavy ŭznaharodžvalisia tolki šarahoŭcy i siaržanty, a tamu dla savieckaha hramadstva jon staŭ simvałam mužnaści prostaha sałdata.
U savieckija časy koleram pieramohi byŭ koler čyrvonaha ściaha. U postsavieckaj Rasii kamunisty akazalisia ŭ apazicyi, a ŭłady pačali zamiest čyrvonaha ściaha pijaryć čorna-aranžavyja stužki.
Nakolki apraŭdanaje vykarystańnie čorna-aranžavaj stužki ŭ Biełarusi? Kali ŭličyć, što heta adzin ź simvałaŭ Rasijskaj Impieryi, to takoje pakłanieńnie pierad joj vyhladaje dziŭnavata. A kali pahadzicca, što hieorhijeŭskaja stužka – simvał mužnaści prostaha žaŭniera, to navošta tady ŭpryhožvać joj plaški z harełkaj dy načnyja kłuby? Udzielnika vajny, jaki źviazvaje z hetym simvałam pamiać ab tych strašnych dniach, heta moža adno abrazić.
Kali my chočam ušanavać mužnaść biełarusaŭ i hramadzianaŭ inšych nacyj, jakija skłali hałovy ŭ toj vajnie, bolš adpaviedna rabić toje z vykarystańniem nacyjanalnych koleraŭ— bieł-čyrvona-biełych ci čyrvona-zialonych, chto jakija vyznaje.
Ale nie koleraŭ impieryi, jakaja była akupantam Biełarusi, adabrała ŭ biełarusaŭ ich volnaści, zrujnavała našy ratušy i našu kulturu i daviała našu krainu da stanu adnoj z najbiadniejšych u Jeŭropie.
Pamiać pra vajnu treba adździalić ad impierskaj prapahandy.
(Artykuł byŭ upieršyniu apublikavany ŭ 2010-m.)
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary