Mužčyna, jaki paciarpieŭ u vyniku hetaha darožnaha kanfliktu, ciapier u špitali.
Pavodle źviestak jaho siabroŭ, u jaho šmatlikija traŭmy, u tym liku pierałom šyjki ściahna. Najbližejšyja paŭhoda jamu treba budzie pierasoŭvacca z dapamohaj mylic. Heta nastupstvy bojki, jakaja razharełasia prosta na prajeznaj častcy ŭ centry Homiela, niedaloka ad skryžavańnia vuł. Chatajeviča i vuł. Savieckaj. Jak raskazali śledčyja UUS Homielskaj vobłaści,
Na forumie Onliner.by pakinuła paviedamleńnie žonka paciarpiełaha, zarehistravanaja pad nikam vilka81: «Kali vy stali śviedkam kanfliktu, jaki ŭźnik 4 maja na skryžavańni vuł. Savieckaj i Chatajeviča ŭ Homieli pamiž kiroŭcam biełaha mikraaŭtobusa Mersedes i viełasipiedystam, adhukniciesia, kali łaska. Moj muž paśla hetaha kanfliktu ŭ ciažkim stanie. Dapamažycie pakarać vinavataha. Padydzie ŭsio: fota, videa z mabilnaha i lubyja padrabiaznaści. Muža źbili pasiarod skryžavańnia, pakinuli lažać na darozie».
Śledčy, jaki viadzie hetuju spravu, kamientuje: «Sapraŭdy, bojka była. Z zajavy i apytańniaŭ udzielnikaŭ i śviedkaŭ viadoma, što abodva transpartnyja srodki stajali ŭ zatory pierad skryžavańniem.
Viełasipiedyst ruchaŭsia pa prajeznaj častcy. Mabyć, aŭtamabil nie davaŭ jamu bieśpieraškodna jechać. Paciarpieły stuknuŭ rukoj pa kuzavie. Paśla hetaha kiroŭca napaŭ na jaho.Małady čałaviek upaŭ. Sudmiedekśpiertyza, jakaja adbudziecca ŭ čaćvier, maje vyznačyć, u vyniku čaho byli atrymanyja traŭmy. Ad hetaha zaležyć artykuł, pa jakim budzie zaviedzienaja kryminalnaja sprava. Cialesnyja paškodžańni rasceńvajucca jak ciažkija. Ciapier
Bolš jarka apisvaje situacyju žonka viełasipiedysta: «U minułuju piatnicu kala 17:15 mnie patelefanavaŭ muž. Pa hołasie było zrazumieła, što jamu baluča. Jon skazaŭ, što paciahnuŭ nahu i nie paśpieje zabrać dzicia ź dziciačaha sadka. Tamu što ŭ toj dzień jon pajechaŭ u horad na rovary. Jon letam jeździć mienavita na im — z pryncypu. U nas jość mašyna, ale ŭ ciopły siezon muž imkniecca jak maha radziej sadzicca za rul — jon spartsmien, zajmajecca viesłavańniem i imkniecca padtrymlivać formu. Mabyć, jon tady nie skazaŭ praŭdy, kab ja nie chvalavałasia. Paźniej jaho siabry paviedamili, jak usio adbyłosia nasamreč».
U ahulnych rysach viersii UUS i maładoj žančyny supadajuć, za vyklučeńniem niekatorych detalaŭ.«Kiroŭca, ruchajučysia ŭ zatory, razmaŭlaŭ pa mabilnym telefonie, tamu nie zaŭvažyŭ dvuchkołavy transpart i pačaŭ „pryciskać“ muža, — kaža jana. — Kab źviarnuć na siabie ŭvahu, muž stuknuŭ pa kuzavie i kryknuŭ: „Pahladzi, kudy ty jedzieš“. Nieŭzabavie jany abodva spynilisia. Kiroŭca vyjšaŭ i, ničoha nie kažučy, udaryŭ niekalki razoŭ pa tvary i hałavie muža. Toj nie adkazvaŭ, tolki ŭchilaŭsia. Paśla čarhovaha ŭdaru (pa patylicy) jon straciŭ prytomnaść i ŭpaŭ.
Jość mierkavańnie, što mužčyna nie spyniŭ źbićcio — biŭ nahami.Potym, nakolki mnie viadoma, jon źjechaŭ. Pry hetym nichto z haradžan nie pasprabavaŭ adciahnuć jaho, nichto nie dapamoh, pakul praciahvałasia źbićcio. A była hadzina pik — mnohija zdymali kanflikt na telefon (ciapier ja sprabuju znajści na YouTube roliki, pakul biespaśpiachova). U vyniku chtości patelefanavaŭ u DAI — vyrašyŭ, što viełasipiedysta źbili. Pryjechała „chutkaja“, Dziaržaŭtainśpiekcyja. I tut na miesca zdareńnia viarnuŭsia toj samy bieły mikraaŭtobus. Vinavaty, mabyć, spałochaŭšysia pakarańnia, navat prapanavaŭ zavieźci rovar kudy skažuć. A muža dastavili ŭ balnicu».
«Dalej pačalisia razbory, jakija taksama supravadžalisia stresam, — praciahvaje historyju žonka viełasipiedysta. — U špital pryjechaŭ milicyjant, usich apytaŭ. Da pałaty padyšoŭ i napadnik. Jon prasiŭ prabačeńnia, havaryŭ, što nie chacieŭ, śćviardžaŭ, što „prosta nie strymaŭsia“. Fizična jon zdaŭsia mnie nie mocna raźvitym. Na vyhlad jamu kala 37 hadoŭ, rost nie bolš za 1,7 mietra. Čamu jon nakinuŭsia na muža, mnie nie zrazumieła — adekvatnych pryčyn nie było. Potym mnie treba było damahčysia ad pravaachoŭnych orhanaŭ, kab sudmiedekśpiertyzu pryznačyli ŭ samyja karotkija terminy. Abiacali jašče ŭ paniadziełak, a vyjšła (paśla maich skarhaŭ i zvankoŭ načalstvu), što jana adbudziecca tolki ŭ čaćvier, pierad apieracyjaj, jakuju pryznačyli daktary».
Maładaja žančyna da hetaha času šukaje fota- i videaśviedčańni kanfliktu.Dla čaho? «Pavodle słovaŭ kalehaŭ śledčaha, vinavatamu bojki mohuć „prypisać“ nienaŭmysnaje (padkreślu) naniasieńnie ciažkich cialesnych paškodžańniaŭ, — kaža jana. — Maŭlaŭ, muž nanios sabie kalectva, upaŭšy. Ja ŭpeŭnienaja, što kiroŭca praciahvaŭ jaho bić paśla padzieńnia. Moj muž — zdarovy małady čałaviek, jon nie moh złamać šyjku ściahna, stuknuŭšysia ab asfalt. Kali ŭ mianie ŭ rasparadžeńni buduć miedyjamateryjały, zmahu dakazać — usio było naŭmysna. Heta zusim inšy artykuł Kryminalnaha kodeksa.
Kali chtości majejakuju-niebudź infarmacyju, pazvanicie pa telefonie (8–029) 372-09-74 ».
Kamientary