Kitajskaja palicyja rasśleduje vypadki prodažu falšyvych śvinych vušej u horadzie Huančžou.
Śpiecyjalisty kitajskaj sanitarnaj słužby vyśvietlili, što hetyja «vušy» nasamreč byli zroblenyja z žełacinu i aleatu natryju, jaki vykarystoŭvajecca dla vyrabu myła.
Śvinyja vušy dla Kitaja — jak pielmieni dla Rasii: ich užyvajuć u ježu pa ŭsioj krainie, isnuje masa receptaŭ ich pryhatavańnia. Padrobku znajšli na rynku sielhaspradukcyi ŭ horadzie Hańčžou ŭ pravincyi Cziansu, udakładniajuć «Maskoŭskija naviny».
Pavodle jaho dadzienych, 30 sakavika pažyłaja žančyna kupiła tam 400 hramaŭ śvinych vušej pa vielmi vyhadnaj canie — usiaho za 24 juani (prykładna 4 dalary) za kh, choć zvyčajna jany kaštujuć amal udvaja daražej. Adnak jaje syn Lu zapadozryŭ niadobraje, kali pačaŭ hatavać ź ich dalikatesnuju stravu — ad vušej pajšoŭ ahidny chimičny pach.
Lu padazronyja vušy jeści nie staŭ i adnios ich u miascovyja orhany kantrolu, jakija ŭ vyniku vyjavili padrobku. Pradaŭca «vušej» zatrymali, aštrafavali na 5 tysiač juaniaŭ (kala 800 dalaraŭ) i vypuścili pad zakład.
Kamientary