25 maja ŭ Kanach pakažuć film Siarhieja Łaźnicy «U tumanie» pavodle Bykava.
Jak biełaruski šou-biznes doŭha šukaŭ, čym by ŭrazić «Jeŭrabačańnie», i pierabiraŭ farmat za farmatam, a tym časam hłuchija ŭdmurty vyvieli na jeŭrapiejskuju scenu fołk na rodnaj movie, tak i biełaruski kiniematohraf siakiery pad łavaj nie znajšoŭ. Akazałasia — Bykaŭ. Bykaŭ ź jahonym kanfliktam honaru i samazachavańnia, falšu i praŭdy, fatumu i vybaru. Bykaŭ ź jahonaj nianaviściu da paradnaj. barabannaj historyi. Bykaŭ ź jahonym niezraŭnanym viedańniem vajny, jaje fiłasofii. Bykaŭ, jakoha nie zhadajuć łukašenkaŭcy na 9 Maja. Bykaŭskaja, viečnaja historyja akazałasia cikavaj dla śvietu. Kanski fiestyval — heta viarški viarškoŭ suśvietnaj kinakultury.
Bukmiekiery staviać «U tumanie» na piataje miesca pa šancach na «Załatuju palmavuju halinu».
Fakt statystyčny: upieršyniu kino, u stvareńni jakoha brała ŭdzieł nacyjanalnaja kinastudyja «Biełaruśfilm», trapiła ŭ prahramu asnoŭnaha konkursu Mižnarodnaha kinafiestyvala ŭ Kanach. Bolš za toje, upieršyniu tudy trapiŭ film pavodle tvora biełaruskaj litaratury. Stužka «U tumanie» źniataja pavodle adnajmiennaj apovieści Vasila Bykava.Režysior filma Siarhiej Łaźnica naradziŭsia ŭ Baranavičach, vykanaŭca hałoŭnaj roli Uładzimir Śvirski — u Barysavie. Praŭda, Łaźnica atrymaŭ adukacyju ŭ Kijevie, a žyvie ŭ Bierlinie, a Śvirski skončyŭ Rasijski ŭniviersitet teatralnaha mastactva i pracuje ŭ Maskvie.
Jašče adzin «biełaruski śled» kinapremjery —
dla vychadu na «čyrvonuju darožku» zdymačnaja hrupa vybrała saŭndtrekam biełaruskuju pieśniu — heta «Moj palaŭničy» Kasi Kamockaj. z «Narodnaha alboma».
Kažuć, načalnik «Biełaruśfilma» Silvanovič byŭ admoviŭsia, sprabavaŭ pratestavać: maŭlaŭ, nacyjanalistyčny vykanaŭca. «Nie chočacie — nie vychodźcie», — adkazali jamu arhanizatary. Tady jon musiŭ źmirycca.
Karcina była źniata za 28 dzion u Łatvii. Čamu tam? Sam Łaźnica na sajcie fiestyvalu tłumačyć, što abjechaŭ Biełaruś, ale nie znajšoŭ natury. Łandšafty razburanyja, budynki zynačanyja. A voś u Łathalii — biełaruskamoŭnym rehijonie Łatvii — jon pabačyŭ tyja piejzažy, jakija šukaŭ.
Skončyli zdymki ŭ studzieni 2012. Heta mižnarodny kinaprajekt, u jaho vytvorčaści ŭdzielničajuć «Biełaruśfilm», MA.JA.DE Fiction (Hiermanija), kinakampanija «Džy Pi» (Rasija), Rija Films (Łatvija), Lemming Film (Niderłandy), Fond padtrymki jeŭrapiejskaha kino EURIMAGES… Pravy na suśvietnyja prodažy karciny naležać kampanii Match Factory. Asnoŭnaje finansavańnie karciny lehło na plečy niamieckich partnioraŭ. Biudžet filma skłaŭ prykładna 2 młn jeŭra.
«Siarhiej pracuje z materyjałam ad 2002, — kaža siabra Łaźnicy, biełaruskiTut varta ŭličvać, što Siarhiej pa svaim śvietaŭsprymańni, pa mientalitecie — zusim nie biełarus. Jon jeŭrapiejski režysior. Toje, što Łaźnica naradziŭsia ŭ Baranavičach, nie robić jaho biełaruskim režysioram — jon sam kaža, što ŭ im źmiašalisia šasnaccać nacyjanalnaściaŭ.režysior-dakumientalist Viktar Aśluk. — Jon sustreŭsia ŭ Hiermanii z Bykavym, atrymaŭ asabisty dazvoł…
Apovieść Bykava Łaźnica ŭziaŭ tamu, što jaho vabić ekzistencyjnaja drama. Bykaŭ cikavić Łaźnicu svajoj fiłasofijaj, voś hetaj situacyjaj, kali čałaviek staić pierad vybaram, i vybar hety maksimalna ciažki.
U Bykava zaŭsiody jość materyjał dla kinadramy, i dramy jaskravaj. Jašče ŭ papiarednim filmie Siarhieja „Ščaście majo“ jość absalutna „bykaŭskija“ momanty. Jon tady imknuŭsia trapić u „vajnu“, adčuć jaje i zrazumieć.
Ja rady, što Łaźnica źniaŭ pa Bykavu, bo nichto ŭ biełaruskim kino zaraz nie pracuje ź jahonymi vajennymi tvorami, darečy, jak i z prozaj Alesia Adamoviča. A takoje kino mahło b stać mostam voś z hetaj postsavieckaj šeraści.Bo toje, što zdymałasia niadaŭna pra vajnu na „Biełaruśfilmie“, stvorana sa štampaŭ savieckich časoŭ, z toj roźnicaj, što ŭ savieckija časy, navat pry kamunistyčnaj ideałohii, vajnu časam pakazvali z talentam.
Bykaŭ — piśmieńnik kiniematahrafičny, da jaho, u pryncypie, uvieś čas niechta źviartajecca. U Rasii ŭ apošnija hady byli ekranizavanyja niekatoryja tvory Bykava —„Pajści i nie viarnucca“, „Blindaž“, — i ich u Biełarusi pakul nichto nie bačyŭ.
Dla nas, biełarusaŭ, asnoŭnaja kaštoŭnaść, što „U tumanie“ Łaźnicy — film pa Bykavu,i dziakujučy Łaźnicu pra Biełaruś budzie ŭzhadana ŭ Kanach. Ale heta film — niamiecki, tamu što asnoŭnaje finansavańnie tam — niamieckaje, praŭda, tam jość i biełaruskaja finansavaja „častačka“ — 5–6%. I heta dobra. Choć tak».
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda19
Kamientary