Pa vynikachstudzienia-krasavika Biełaruś z 6,8% zaniała pieršaje miesca siarod krain byłoha SSSR pa roście spažyvieckich cen, śviedčyć praviedzieny BiełaPAN analiz źviestak nacyjanalnych orhanaŭ statystyki.
Dalej iduć Estonija (2,4%), Litva (2,3%), Łatvija (2,2%), Armienija (2,1%), Tadžykistan (1,9%), Rasija (1,8%), Kazachstan (1,7%), Małdova (1,2%), Ukraina (0,7%), Kyrhyzstan (0,6%), Hruzija (0,5%) i Azierbajdžan (0,1%).
Va Uźbiekistanie ceny za pieršy kvartał pavialičylisia na 2,7%, u Turkmienistanie — źnizilisia na 0,8%. U samaabvieščanaj Prydniastroŭskaj Małdaŭskaj Respublicy ceny ŭzraśli na 6,6%.
Pa roście spažyvieckich cen u krasaviku Biełaruś z 1,7% taksama zaniała pieršaje miesca.Dalej iduć Kazachstan, Tadžykistan (pa 0,7%), Łatvija, Litva (pa 0,6%), Rasija, Estonija (pa 0,3%) i Małdova (0,2%). Va Ukrainie ceny nie źmianilisia. U Hruzii jany źnizilisia na 0,03%, u Kyrhyzstanie — na 0,2%, u Azierbajdžanie — na 0,4%, u Armienii — na 0,6%. Niama źviestak pa Turkmienistanie i Uźbiekistanie.
U 2011 hodzie Biełaruś zaniała pieršaje miesca siarod krain byłoha SSSR pa roście spažyvieckich cen (108,7%). Z 1 pa 22 maja 2012 hoda ceny pavysilisia na 1,1%, z pačatku hoda — na 8%.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary