U abied, kali haradzienskija aktyvisty ŭskładali kvietki da znaku «Na Hrunvald», što pobač z Kałoskaj carkvoj, siamioch čałaviek zatrymali milicyjanty dla pravierki dakumentaŭ.
Siarod zatrymanych byli troje niepaŭnaletnich, u adnaho ź ich skanfiskavali maleńki bieła‑čyrvona‑bieły ściažok. Praz try hadziny zatrymanych adpuścili. Ź Leninskaha rajadździełu ŭnutranych spravaŭ usie nakiravalisia na płošču Savieckuju, dzie znachodzicca budynak, u jakim mieściŭsia ŭrad BNR u 1918 hodzie.
Mikoła Voran, adzin z zatrymanych, apaviadaŭ usim historyju tahačasnych padziejaŭ. Ušanavali pamiać zahinułych za Biełaruś chvilinaj maŭčańnia j skiravalisia da Staroha j Novaha zamkaŭ, dzie taksama ŭšanavali pamiać zahinułych za Biełaruś pobač z pomnikam Vitaŭtu.
Uvieś čas paśla taho, jak aktyvisty vyjšli na volu ź Leninskaha rajadździełu milicyi, ich supravadžali ludzi ŭ cyvilnym i prysłuchoŭvalisia da razmovaŭ. Praŭda, zatrymańniaŭ bolš nie było.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary