Trahiedyja adbyłasia padčas pachodu.
Jak paviedamlaje pres-słužba Ministerstva pa nadzvyčajnych situacyjach, viečaram 11 červienia (u 20:58) razrad małanki zabiŭ školnika.
Hrupa navučencaŭ adnoj sa škoł Salihorska (11 dziaciej u supravadžeńni 4 nastaŭnikaŭ) adpačyvali ŭ zonie adpačynku «Skakal» la miastečka Starobin Salihorskaha rajona. Padčas navalnicy razrad małanki udaryŭ ŭ dreva, paśla čaho pa ziamli pierajšoŭ u pałatku, dzie znachodzilisia čaćviora 16-hadovych dziaciej.
U vyniku adzin školnik (chłopčyk) zahinuŭ, troje paciarpieli (dva chłopcy i dziaŭčyna).Paciarpiełyja znachodziacca ŭ reanimacyjnym i kardyjałahičnym adździaleńniach, ich stan (sa słoŭ lekaraŭ) — zdavalniajučy.
Dla akazańnia psichałahičnaj dapamohi na miesca vyjazdžaŭ śpiecyjalist Minskaha abłasnoha ŭpraŭleńnia MNS.
U MNS nahadvajuć: pry hrymotach treba začyniać vokny, nie karystacca elektrapryborami, na vulicy nie stajać pad drevami abo linijami elektrapieradač.
Akramia taho, padčas navalnicy kateharyčna zabaroniena kupacca i lepš adyści dalej ad vady. Aŭtamabilistam nie varta zapraŭlać mašynu padčas navalnicy, a niepahadź lepš pieračakać u sałonie.
Kab navalnica nie narabiła biady. Što treba viedać? Parady śpiecyjalista.
Kamientary