"Unutrany kosmas"
TV, 26 sakavika, paniadziełak
ANT, 23.25
Unutrany kosmas (Innerspace)
ZŠA, 1987, kalarovy, 120 chv.
Režyser: Džo Dante
Roli vykonvajuć: Denis Kuejd, Marcin Šort, Meh Rajan, Kievin MakKarci, Fijona Ljuis
Žanr: Fantastyčnaja pryhodnickaja kamedyja
Adznaka: 7,5 (z 10)
”Oskar” za admysłovyja efekty.
Lejtenant avijacyi Tak Pedłtan (Denis Kuejd) stanovicca “astranaŭtam naadvarot”. U vyniku navukovaha ekperymentu jaho razam z karablom pamiańšajuć da mikraskapičnych pamieraŭ, kab uvieści ŭ vienu trusa. Ale ŭ vyniku napadu na labaratoryju astranaŭt traplaje ŭ cieła ipachondryka (komik Marcin Šort).
Pakul nia skončycca kisłarod, hieroj musić znajści pavieličalny čyp, razabracca z vorahami i pamirycca sa svajoj lubaj. Niaščasnaha ipachondryka henyja plany zusim nia radujuć.
U 1966 hodzie ŭ “Fantastyčnaj vandroŭcy” Ryčard Fłejšer užo ździviŭ hledačoŭ pryhodami ŭ čałaviečym ciele. Vychavaniec “karala B-movie” Rodžera Kormena j prateže Styvena Śpiłberha Džo Dante (“Hremliny”, “Voj”) nia tolki ahałomšvaje sučasnymi vizualnymi trukami, ale j daścipna, pa-postmadernisku hraje z fantastyčnym i pryhodnickim žanram.
Hanhstery-špiehi, pieraŭtvoranyja ŭ złych lalek (filmy chałodnaj vajny j tradycyi Toda Braŭninha), hlamurny kaŭboj-psychapat (vesterny j Džejmz Bond), niedareka, jaki sprabuje być superhierojem (krutyja bajeviki) – i cytaty z “Alisy ŭ krainie cudaŭ” jak parol…
Vidovišča, śmiech i pryhody – paśpiachovaja formuła Džo Dante.
Fota z sajtu Kinopoisk.ru
«Joj było vielmi drenna apošnim časam». Znajomyja pra Śviatłanu Krucikavu, jakaja skončyła žyćcio samahubstvam paśla cisku milicyi3
Kamientary