Jak paviedamili va ŭpraŭleńni ŭnutranych spraŭ na transparcie MUS Biełarusi, 14 červienia ŭ Barysaŭskuju transpartnuju milicyju pastupiła infarmacyja ab tym, što kala 10.15 na piešachodnym naścile prypynačnaha punkta Piečanski ciahnikom № 117 Viciebsk — Minsk traŭmavany vučać
Ustanoŭlena, što školnik pierachodziŭ čyhunku, praihnaravaŭšy miery biaśpieki. U pryvatnaści, jon pierachodziŭ mahistral u navušnikach z hučnaj muzykaj, što nie dazvoliła jamu pačuć hukavyja sihnały ciahnika. Akramia taho, padletak ni razu nie pahladzieŭ pa bakach, kab pierakanacca ŭ adsutnaści ciahnika.
Kali školnik pačaŭ pierachodzić šlachi, pasažyry na płatformie pačali žestykulavać i kryčać ab tym, kab jon zastavaŭsia na miescy. Adnak jon nie pačuŭ sihnały ab niebiaśpiecy.
Mašynist pasažyrskaha sastavu prymianiŭ ekstrannaje tarmažeńnie, adnak hetaha nie chapiła, kab ciahnik poŭnaściu spyniŭsia. Školnik paśpieŭ pierajści rejki, adnak łakamatyŭ začapiŭ jaho rukzak. U vyniku padletka paviarnuła i adkinuła ŭ bok, što pasłužyła traŭmavańniu ruki. Ciapier paciarpieły ŭžo vypisany z balnicy, a transpartnaja milicyja pa fakcie zdareńnia pravodzić pravierku.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu8
Kamientary