Як паведамілі ва ўпраўленні ўнутраных спраў на транспарце МУС Беларусі, 14 чэрвеня ў Барысаўскую транспартную міліцыю паступіла інфармацыя аб тым, што каля 10.15 на пешаходным насціле прыпыначнага пункта Печанскі цягніком № 117 Віцебск — Мінск траўмаваны вучаць
Устаноўлена, што школьнік пераходзіў чыгунку, праігнараваўшы меры бяспекі. У прыватнасці, ён пераходзіў магістраль у навушніках з гучнай музыкай, што не дазволіла яму пачуць гукавыя сігналы цягніка. Акрамя таго, падлетак ні разу не паглядзеў па баках, каб пераканацца ў адсутнасці цягніка.
Калі школьнік пачаў пераходзіць шляхі, пасажыры на платформе пачалі жэстыкуляваць і крычаць аб тым, каб ён заставаўся на месцы. Аднак ён не пачуў сігналы аб небяспецы.
Машыніст пасажырскага саставу прымяніў экстраннае тармажэнне, аднак гэтага не хапіла, каб цягнік поўнасцю спыніўся. Школьнік паспеў перайсці рэйкі, аднак лакаматыў зачапіў яго рукзак. У выніку падлетка павярнула і адкінула ў бок, што паслужыла траўмаванню рукі. Цяпер пацярпелы ўжо выпісаны з бальніцы, а транспартная міліцыя па факце здарэння праводзіць праверку.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары