45 hod tamu vyjšaŭ dakumientalny film pra Hrodna. Unikalnyja kadry, paraleli z sučasnaściu.
Dakumientalny film «Hrodzienski kašalok», źniaty 45 hod tamu, raskazvaje pra biudžet savieckaha Hrodna ŭ druhoj pałovie 60-ch. Kolki kaštavała vučoba adnaho vučnia, vychavańnie adnaho dziciaci ŭ sadku, u kolki abyšoŭsia hihancki katok na Savieckaj płoščy?
Film utrymlivaje ŭnikalnyja kadry staroha horada. Pustaja placoŭka na miescy niadaŭna źniesienaha biernardzinskaha žanočaha klaštara jašče nie zaniataja budynkam abłasnoha dramteatra, skvier na Savieckaj u zasieni drevaŭ, dachi kvartałaŭ kala Farnaha kaścioła.
Hołas za kadram raskazvaje, što ŭ architektaraŭ svaje kłopaty — jak zachavać svojeasablivaść staradaŭniaha horada. U kadr traplaje carkva manastyra bazylijanak.
«Napeŭna, sam boh zahadaŭ pad kupałam hetaha sabora stvaryć płanietaryj», — kaža hołas za kadram. Nie samy strašny varyjant, kali ŭličyć, što Faru Vitaŭta prosta ŭzarvali. Zrešty, siońniašnija hrodzienskija architektary iznoŭ vyrašajuć tuju samuju zadaču, a ad staroha horada zastajecca ŭsio mienš.
Aŭtary filma zładzili pravakacyjny ekśpierymient. Mužčyna ŭ ludnym miescy pałamaŭ łavu. Pry hetym zaŭvahu jamu zrabiŭ tolki adzin čałaviek. Jašče adna paralel ź siońniašnim dniom: na abaronu staraśvieckich damkoŭ u Hrodnie vyjšli adzinki.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary