Budsłaŭski fest. Načnoje šeście na Krasnaj płoščy — repartaž
Dziasiatki tysiač viernikaŭ roznych kanfiesij u pieršuju subotu lipienia źbirajucca ŭ miastečku ŭ Miadzielskim rajonie, kab ušanavać abraz Maci Božaj Budsłaŭskaj, apiakunki Biełarusi. Kulminacyja festu — šeście sa śviečkami vakoł Krasnaj płoščy. Jano adbyvajecca apoŭnačy, pad śpieŭ malitvy Baharodzicy: «Vitaj, Maryja, poŭnaja łaski! Dabrasłavionaja ty miž žančynami i dabrasłaviony płod ułońnia tvajho Jezus».
Abraz abnosiać vakoł płoščy miastečka, jakaja nosić redkuju nazvu Krasnaj, što na starabiełaruskaj movie značyła «pryhožaj».
2500 pilihrymaŭ z roznych haradoŭ krainy pryjšło na fest pieški.
Najbolšyja pilihrymki išli sioleta ź Minska (300 čałaviek), Baranavič, Naračy, Maładziečna.
Imšu ŭ Budsłavie adsłužyŭ mitrapalit Tadevuš Kandrusievič. Darečy, častku darohi da Budsłava jon adoleŭ z pałomnikami, u tym liku na rovary razam ź minskaj viełasipiednaj pilihrymkaj. Susłužyli mitrapalitu inšyja biełaruskija biskupy.
Haściami festu byli apostalski nuncyj arcybiskup Hudžeroci i biskup Sarataŭski z Rasii Klemiens Pikiel.«Kaścioł u Rasii zaŭsiody byŭ mienšaściu ŭ dyjaspary. Parafii znachodziacca daloka adna ad adnoj. Ludzi pieražyvajuć hetuju adzinotu. Kali ž pryjazdžaješ siudy, niahladziačy na toje, što i tut zdarajucca peŭnyja ciažkaści, jak i va ŭsim sučasnym śviecie, vielmi pryjemna na dušy. Słova pryjemna navat nie moža pieradać usie pačućci», — kazaŭ jon.
Raniej fest prachodziŭ 2 i 3 lipienia, ale ad hetaha hoda vyrašyli ładzić jaho ŭ pieršyja vychodnyja lipienia.Sioleta vierniki sabralisia ŭ Budsłaŭ uviečary 6 lipienia.
Šmat dzie ŭ Biełarusi ŭ hetu paru adznačajuć Kupalle. Hustyja dymy i vysokija ahni supravadžali zapoźnienych pałomnikaŭ na šlachu da sanktuaryja.Asabliva ŭražvała ŭ pryciemku kupalskaje ahnišča nad Vilejskim vadaschoviščam.
Apošnija pieradbudsłaŭskija kiłamietry paradavali novym asfaltam. Aŭtobusny prypynak u vioscy Alchoŭka, na radzimie paeta Słavamira Adamoviča, — iluminavanaj kapličkaj, jakaja mihcić unačy. Sam fest — tym, čym zaŭždy raduje: atmaśfieraj śvietlini i nieaficyjnaj biełaruskaściu.
Paralelna z malitvaj
pad kaściołam išoŭ bojki handal. Až try jatki vystaviŭ pravasłaŭnyŚviata-Jelizaviecinski manastyr, što ŭ Navinkach.
Ludziej było na voka mieniej, čym u minułyja hady. Choć chvost tradycyjnaj pracesii
Emacyjnuju kazań mitrapalita Kandrusieviča zavarožana słuchali ŭsie tysiačy prysutnych.Statystyčnyja ličby, mižnarodnyja naviny, a navat aniekdoty arhanična ŭplatalisia ŭ pramovu ab Maryi, maci Zbaŭcy.
Jon — niby padrychtoŭčy pieradfestam-2013 , kali budzie adznačacca400-hodździe znachodžańnia na biełaruskaj ziamli abraza Maci Božaj Budsłaŭskaj.
Ciapier čytajuć
«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie20
Kamientary