30 lipienia ŭ milicyju źviarnułasia žycharka vioski Siaredniaja Rudnia Pietrykaŭskaha rajona z zajavaj pra źniknieńnie susiedki. 20-hadovaja žančyna, jakaja znachodzicca ŭ adpačynku pa dohladzie za dziciem, 26 červienia dniom pajechała ŭ Pietrykaŭ, i da hetaha času jaje miescaznachodžańnie nieviadoma. Jaje šukaje milicyja.
U hety ž dzień, 30 lipienia, u milicyju źviarnuŭsia žychar Śvietłahorska, jaki zajaviŭ pra źniknieńnie žonki 1983 hoda naradžeńnia. Źnikłaja taksama znachodzicca ŭ adpačynku pa dohladzie za dziciem. 24 lipienia ŭ 12.00 pajšła z domu i da hetaha času jaje miescaznachodžańnie nie viadoma.
U milicyju 30 lipienia źviarnuŭsia i žychar Homiela, jaki zajaviŭ pra toje, što 29 lipienia ŭ 12.00 jaho 19-hadovaja sužycielka syšła z domu i da hetaha času jaje miescaznachodžańnie nie ŭstanoŭlena. Taksama ŭ Homieli 30 lipienia pastupiła zajava ad dyrektara PTV-179. Jon prasiŭ akazać dapamohu ŭ vyšuku 19-hadovaj vypusknicy, jakaja 29 červienia paśla zakančeńnia navučańnia ŭ vučyliščy pa raźmierkavańni była nakiravana ŭ KSUP «Ciapličnaje» i apošniaj było vydzielena miesca ŭ internacie. Adnak na pracu nie pryjechała, i ŭ internacie jana nie pražyvaje.
Jašče adna źnikłaja samavolna syšła z balnicy. 30 lipienia ŭ milicyju Homiela ad dziažurnaha lekara Homielskaje abłasnoj kliničnaj balnicy pastupiła paviedamleńnie, što 27 lipienia z adździaleńnia skivična-tvarnaj chirurhii samavolna syšła žančyna 1981 h.n i miescaznachodžańnie jaje nie ŭstanoŭlena.
Kamientary