Adras — antonsurapin.org
U internecie zapracavaŭ sajt u padtrymku zatrymanaha žurnalista Antona Surapina — antonsurapin.org.
Na sajcie možna pračytać naviny, što datyčacca Surapina, daviedacca pra akcyi, praviedzienyja ŭ jaho padtrymku, prahledzieć publikacyi, što datyčacca fatohrafa. Taksama tam raźmieščana sutnaść abvinavačańnia Surapina i adrasy, pa jakich možna akazać jamu padtrymku.
Najbližejšym časam na sajcie źjavicca anhłamoŭnaja viersija.
Surapin byŭ zatrymany KDB 13 lipienia pa spravie ab niezakonnym pierasiačeńni miažy šviedskim lohkamatornym samalotam.Incydent adbyŭsia ranicaj 4 lipienia. Nad Iviancom i Minskam byli skinutyja sotni plušavych miadźviedziaŭ. Adkaznaść za akcyju ŭziali na siabie pradstaŭniki šviedskaj pijar-kampanii Studio Total. Takim čynam jany chacieli padtrymać svabodu słova ŭ Biełarusi.
Tym časam KDB praciahvaje rasśledavać kryminalnuju spravu pa fakcie pierasiačeńnia dziaržmiažy. Pavodle nieaficyjnaj infarmacyi, abvinavačańni vystaŭlenyja dvum fihurantam.Adzin ź ich — 20-hadovy student Instytuta žurnalistyki BDU Anton Surapin, jaki pieršym vykłaŭ na svaim sajcie Belarusian News Photos fotazdymki skinutych šviedami cacačnych miadźviedziaŭ. Druhi — Siarhiej Bašarymaŭ, jaki zajmajecca zdačaj kvater na karotki termin i ŭ jakoha šviedy — udzielniki akcyi mahli abo płanavali zdymać žyllo.
U dačynieńni da Surapina raspačata sprava na padstavie č. 3 art. 371 KK, jon abvinavačvajecca ŭ "dapamahańni naŭmysnamu niezakonnamu pierasiačeńniu miažy, učynienamu arhanizavanaj hrupaj asob". Bašarymavu nibyta ŭžo vystaŭlena abvinavačańnie ŭ dapamahańni niezakonnamu pierasiačeńniu miažy.
Jość taksama źviestki, što pa spravie zatrymlivalisia dźvie dziaŭčyny.Heta siabroŭka Bašarymava Iryna Łahojka, jakaja sutki praviała ŭ SIZA KDB. Ź jaje ŭziata padpiska ab nievydavańni tajny śledstva. A taksama 16-hadovaja Kaciaryna Skurat, jakaja nibyta pieršaj sfatahrafavała plušavych mišak i dasłała fotazdymki Surapinu. Dziaŭčynu dapytali ŭ prysutnaści baćkoŭ i adpuścili.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram29
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary