Kiraŭnik viedamstva fiederalnaha kanclera Hiermanii Ronald Pofała patelefanavaŭ siońnia Irynie Chalip.
Pra toje, jak prajšła razmova ź ministram, asudžanaja žurnalistka «Novoj haziety», žonka kandydata ŭ prezidenty Andreja Sańnikava Iryna Chalip raspaviała sajtu charter97.org:
«U pačatku razmovy spadar Pofała pavinšavaŭ mianie z premijaj Chiermana Kiestena, jakuju prysudziŭ niamiecki PEN-centr. Zatym padrabiazna raspytaŭ pra pravaabmiežavańni. Ministr navat ujavić sabie nie moh, što da mianie pa načach prychodzić milicyja, časam pa niekalki razoŭ, što, de-jure znachodziačysia na voli, ja faktyčna pad chatnim aryštam.Jon cikaviŭsia, jak pieražyvaje syn hetyja načnyja vizity, i pažadaŭ sił i mužnaści. Akramia taho, spadar Pofała skazaŭ, što ad taho, jak abychodziacca z nami, šmat u čym buduć zaležać dalejšyja adnosiny pamiž Hiermanijaj i Biełaruśsiu. «Heta biaźmiežža», — skazaŭ jon paśla apoviadu pra toje, što adbyvajecca ŭ našym paŭsiadzionnym žyćci z-za pastajannaha cisku i ŭmiašańnia ŭład.
Tak što pakul nijakich mahčymaściaŭ dla «razmarožvańnia» adnosin ministr nie bačyć. Jon padkreśliŭ, što maja pazycyja ŭ dačynieńni da režymu Łukašenki całkam supadaje ź jaho asabistaj, a taksama z aficyjnaj pazicyjaj Bierlina.Ministr skazaŭ, što vielmi chacieŭ by pryjechać u Biełaruś i asabista sustrecca sa mnoj, ale pakul nie vyzvaleny i — heta jon asabliva padkreśliŭ — nie reabilitavany apošni palitviazień, nijakich pajezdak i nijakich aficyjnych kantaktaŭ być nie moža — tolki palityka sankcyj.
Darečy, ja raspaviała ministru, učora šlacham pravakacyj režym sprabavaŭ prademanstravać, što prasłuchoŭvaje ŭsie telefonnyja razmovy — mnie ža całkam adkryta telefanavali ź niamieckaj ambasady, kab udakładnić čas zvanka ź Bierlina. I, viadoma, režym nie moh źmirycca z tym, što fiederalny ministr Pofała telefanuje mnie, a nie Łukašenku ci jakomu-niebudź Makieju. Biezumoŭna, ja vielmi kranutaja hetym zvankom i vykazanaj u im žorstkaj pazicyjaj u adnosinach da biełaruskaha režymu. Spadziajusia, što situacyja źmienicca chutka, i ja zmahu asabista padziakavać ministra za padtrymku».
Darečy, biełaruski KDB sprabavaŭ svaimi zvykłymi idyjockimi mietadami sarvać razmovu Ronalda Pofały ź Irynaj Chalip:
roŭna ŭ 10.30 — pryznačany čas zvanka ź Bierlina — na jaje mabilny telefon pačałasia 40-chvilinnaja ataka: biaskoncyja zvanki sa schavanaha numara, jakija vyklučajuć mahčymaść datelefanavacca da abanienta.Ale zvanok ź Bierlina razdaŭsia na adnu chvilinu raniej, čym zapuściłasia ataka. Raniej KDB užo vykarystoŭvaŭ padobnyja napady na telefony redaktara charter97.org Natalli Radzinaj, žurnalistki «Narodnaj voli» Maryny Koktyš, samoj Iryny Chalip i hałoŭnaha redaktara «Novoj haziety» Dźmitryja Muratava.
Iryna Chalip była aryštavanaja ŭ dzień prezidenckich vybaraŭ u Biełarusi 19 śniežnia 2010 hoda i prysudžanaja da 2 hadoŭ pazbaŭleńnia voli z adterminoŭkaj za ŭdzieł u akcyi pratestu suprać falsifikacyi vynikaŭ prezidenckich vybaraŭ.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary