Parłamienckija vybary ŭ Biełarusi prajšli ŭ abstanoŭcy, jakaja nie sadziejničaje praviadzieńniu svabodnych vybaraŭ, havorycca ŭ apublikavanaj 24 vieraśnia zajavie ŭrada Hiermanii.
Bierlin zaklikaŭ Alaksandra Łukašenku vyzvalić palitźniavolenych i spynić represii ŭ krainie.
«Palitźniavolenyja praciahvajuć znachodzicca ŭ turmie, apazicyjanieram pieraškadžali bałaciravacca», — skazaŭ aficyjny pradstaŭnik urada FRH Štefien Zajbiert.Pavodle jaho słoŭ, u mnohich miescach zafiksavanyja represii, sproby pieraškadžać nazirańniu za vybarami i pieradačy infarmacyi. U jakaści prykładu Zajbiert pryvioŭ admovu ŭ vydačy biełaruskaj vizy deputatu bundestaha Maryłuizie Biek i karespandentu telekanała CDF Hańnie Hielinek. Akramia taho, jaje kalehi pa telekanale, jakija pracavali ŭ Minsku, byli na niekatory čas zatrymanyja.
Zajbiert adznačyŭ, što va ŭmovach niaspynnaha zapałochvańnia bolšaja častka apazicyi admoviłasia ad udziełu ŭ vybarach. Na jaho dumku, Łukašenka pradoŭžyć kurs na represii zamiest partniorstva ź Jeŭropaj. «Dla krainy, dla hramadzian Biełarusi heta trahiedyja», — zajaviŭ pradstaŭnik kabinieta kanclera Anhieły Mierkiel.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia9
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary