Bolš za 40 čałaviek byli zatrymanyja ŭ subotu na minskim rynku «Ždanovičy» supracoŭnikami milicyi. Hetuju infarmacyju paćvierdziŭpres-sakratar HUUS Minharvykankama Alaksandr Łastoŭski.
Pa słovach vidavočcaŭ, bojka pamiž cyhanami i kaŭkazcami adbyłasia ŭ rajonie 12.30–13.00 niedaloka ad praduktovaha rynku.
U chod była puščana navat traŭmatyčnaja zbroja. «Niekalki čałaviek paciarpieli. Pryjšłosia navat vyklikać chutkuju dapamohu», — skazaŭ vidavočca kanfliktu.
Pa słovach Alaksandra Łastoŭskaha, supracoŭniki milicyi i AMAPa apieratyŭna prybyli na miesca kanfliktnaj situacyi i zatrymali bolš za 40 udzielnikaŭ incydentu. «Zaraz vyśviatlajucca pryčyny kanfliktu. Budzie dadziena pravavaja acenka padziejam», — skazaŭ jon.
Kamientary