Milicyjanty pieradali 32‑hadovaj kiroŭcy «Hielendvahiena» na błatnych numarach, što ŭ nas tak nie parkujucca
U sacyjalnych sietkach vyklikaŭ rezanans učynak kiroŭcy pazadarožnika «Hielendvahien», jaki pryparkavaŭsia ŭ Minsku prosta na chodniku kala hanka «Akademknihi» la stancyi mietro «Akademija navuk». Milicyjanty znajšli vadziciela — 32‑hadovuju hramadzianku Kazachstana.
«Pavažanyja kazachi, chto haściuje ŭ Minsku, pieradajcie, kali łaska, što ŭ nas tak nie parkujucca», — tak padpisała svajo fota karystalnica Threads ź nikam glitchofthegalaxy. Na zdymku — «Hielendvahien» z pryhožymi kazachstanskimi numarami, jaki pryparkavany prosta na tratuary. Fota sabrała mnostva prahladaŭ. Byli siarod ich i prahlady ad DAI.
Akramia taho, u DAI pastupiła infarmacyja, što hety «Hielendvahien» stajaŭ na parkinhu HC «Zamak» na miescy, pryznačanym dla transpartnych srodkaŭ ludziej ź invalidnaściu.
Taksama supracoŭniki manitorynhu darožnaha ruchu vyjavili, što padčas ruchu žančyna pieravoziła 2‑hadovaha chłopčyka na piarednim pasažyrskim siadzieńni bieź śpiecyjalnaha prystasavańnia.
Supracoŭniki DAI ŭstanavili kiroŭcu — 32‑hadovuju hramadzianku Kazachstana.
Pres-słužba DAI paviedamlaje, što za parušeńni žančyna pryciahnuta da adkaznaści. Jak mienavita, nie paviedamlajecca.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary