Śniadanki a 8-j viečara, viačery — a 8-j ranicy. U Minsku chutka źjavicca bar «Biassońnica» — fota
Novaja kropka raźmieścicca ŭ budynku klaštara bieniedyktynaŭ u Vierchnim horadzie.
Najtłajf-mapa Mienska chutka ŭzbahacicca. Praź niekalki dzion pačnie pracavać tematyčny bar «Biassońnica», dzie śniadanki padajuć a 8-j viečara, a viačery — a 8-j ranicy. Adnak naŭrad ci miesca budzie kankurentam «Zakonu buterbroda».
Chutka ŭ Vierchnim horadzie źjavicca novy bar «Biassońnica». Jaho stvaralnik — Alaksiej Sadavy, uładalnik «Hierojaŭ» i «ID bar». Novaja kropka raźmieścicca ŭ budynku klaštara bieniedyktynaŭ, u tym ža domie, što i piŭny šynok, viadomy ŭ horadzie jak «0,5».
Usia kancepcyja «Biassońnicy» krucicca vakoł temy pamiežnaha stanu pamiž realnaściu i mrojami.«Mianie vielmi cikavić son jak źjava, nie mienš realnaja za žyćcio», — tłumačyć Alaksiej.
Tema napaŭrealnaha stanu prasočvajecca i ŭ interjery.U bary try zony. Pieršaja — łaŭnž-zona z čyrvonymi kanapami i ścianoj, azdoblenaj paduškami z vyjavami sonnych ludziej, jakich fatahrafavali admysłova dla hetaha prajekta. Zona ŭłasna bara aformlena pavodle asacyjacyi ź fienomienam jet lag — stanam stomlenaści z-za źmieny hadzinnych pajasoŭ. Barmieny — piłoty, ich uźlotnaja pałasa — barnaja stojka, nad jakoj mieścicca tabło. Tolki zamiest raskładaŭ adlotaŭ i prylotaŭ tam budzie mieniu. Treciaja zona — pavodle matyvaŭ kazki Alice in Wonderland. Jana budzie ŭvasablać stan śviadomaści, kali son błytajecca ź javaj: ź lusterkami na stoli i šafaj na ściency.
Za napoi budzie adkazvać kamanda, u jakuju, pavodle Alaksieja, «uvachodziać adny z najlepšych barmienaŭ u horadzie». Abiacajuć «štości asablivaje», u tym liku nastojki ŭłasnaha vyrabu.Što datyčyć cen, to Alaksiej charaktaryzuje ich jak «sumlennyja košty jakasnych praduktaŭ i napojaŭ». Metavaja aŭdytoryja adpaviednaja: «Užo nie studenty, ale jašče nie staryja dušoj. Nam patrebnyja ludzi starejšaha ŭzrostu, nam patrebnyja zamiežniki, ekspaty, jakija znojduć paru znajomych dla siabie stravaŭ, adkul by jany da nas ni pryjechali».
Detali pracy «Biassońnicy» i bolej zdymkaŭ hladzicie TUT.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary