U Biełarusi budzie pradoŭžana budaŭnictva Ladovych pałacaŭ u haradach z nasielnictvam kala 100 tys. Ab hetym zajaviŭ prezident krainy Alaksandr Łukašenka na naradzie pa pytańniu ŭdziełu kamandy Biełarusi pa chakieju z šajbaj u čempijanacie Rasii.
Jon padkreśliŭ, što takija abjekty źjaŭlajucca spartyŭna‑kulturnymi centrami, i «siońnia na heta vialiki popyt».
Ciapier u respublicy ŭźviedziena 10 Ladovych pałacaŭ. Ni adzin ź ich dziaržava nie datuje — jany samaakupnyja, padkreśliŭ prezident. «Heta narmalnyja prajekty z punktu hledžańnia ekanomiki. Tak, my, napeŭna, nie vierniem u biudžet hrošy — heta sacyjalnyja abjekty, i nie treba na heta spadziavacca. Ale hałoŭnaje, što my hrošy nie tracim na ich utrymańnie «, — skazaŭ Alaksandr Łukašenka.
Pavodle słoŭ kiraŭnika dziaržavy, u płanach — uźviadzieńnie Ladovych pałacaŭ u takich haradach, jak Baranavičy, Babrujsk, Orša, Lida, Połack. «Čas užo zrabić, jak u viadučych dziaržavach śvietu, — ličyć jon. — U Finlandyi, Čechii — sotni ladovych placovak, a ŭ nas usiaho dziesiać».
Pry hetym Alaksandr Łukašenka adznačyŭ, što dziaržava tracić vialikija hrošy na padtrymku sportu. Tolki na raźvićcio chakieja ŭ 2006 hodzie było zraschodavana amal Br60 młrd. «Ni adna dziaržava stolki hrošaj «adkryta» nie ŭkładvaje», — padkreśliŭ biełaruski lider.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje29
Kamientary