Milicyja prapanoŭvaje bankam ŭvieści płatu pasłuhu pravierki sapraŭdnaści valuty
Hałoŭnaje ŭpraŭleńnie pa baraćbie z ekanamičnymi złačynstvami MUS Biełarusi prapanoŭvaje bankam uvieści dla hramadzian za płatu pasłuhu pravierki sapraŭdnaści valuty.
Jak paviedamili ŭ HUBEZ MUS, heta prapanova ŭžo prapracoŭvajecca Asacyjacyjaj biełaruskich bankaŭ.
«U Rasii, va Ukrainie i ŭ Hiermanii ŭ vypadku sumnieńnia ŭ sapraŭdnaści hramadzianie mohuć pravieryć valutu biaspłatna abo z ustanoŭlenaj fiksavanaj kamisijaj.U Biełarusi takoj praktyki pakul niama. Tym časam va ŭmovach funkcyjanavańnia cieniavoha rynku najaŭnaj valuty heta mahło b źnizić kolkaść faktaŭ falšyvamaniectva», — havorycca ŭ paviedamleńni HUBEZ MUS.
Pavodle danych milicejskaha viedamstva, z pačatku hetaha hoda ŭ Biełarusi ŭ valutčykaŭ kanfiskavana 1,7 młrd. rubloŭ u ekvivalencie. Bolš jak 400 čałaviek pryciahnuty da administracyjnaj adkaznaści. Raspačata 27 kryminalnych spraŭ. Takija danyja apublikavała hałoŭnaje ŭpraŭleńnie pa baraćbie z ekanamičnymi złačynstvami MUS.
I nastupstvy nabyćcia hrošaj z ruk u pieryjad deficytu valuty ŭ abmiennych punktach u minułym hodzie adčuvalnyja i siońnia.U pravaachoŭnych orhanach adznačajuć, što jak tolki častka rynku sychodzić u cień, adrazu ž pavialičvajecca jaho kryminalny składalnik.
U žniŭni minułaha hoda žychar Viciebska nabyŭ 14 padroblenych stadołaravych kupiur. Pałovu hetaj sumy jon addaŭ u jakaści doŭhu siabru, jaki daviedaŭsia, što jany falšyvyja, pry zvarocie ŭ bank. Kali da daŭžnika pryjšli supracoŭniki milicyi, toj zrazumieŭ, što zrabiŭ hłupstva, kali ažyćciaviŭ sumniŭnuju ździełku z valutčykam. Adnak jašče pra siem kupiur jon paličyŭ za lepšaje pramaŭčać, vyrašyŭšy kampiensavać svaje straty. Šeść ź ich viciablaninu ŭdałosia pradać kala abmiennych punktaŭ handlovych centraŭ, a pry realizacyi apošniaj jon byŭ zatrymany.
Apieratyŭniki adznačajuć, što falsifikaty ŭ krainu niaredka pryvoziać pracoŭnyja mihranty.Pavodle aficyjnych danych, u 2011 hodzie prykładna paŭmiljona biełarusaŭ znachodzilisia na zarobkach za miažoj i tolki z Rasii pryvieźli 240 młn. dołaraŭ. Admietnyja prykmiety valuty viadomyja hramadzianam u mienšaj stupieni, čym biełaruskich rubloŭ, jakimi jany štodnia raźličvajucca ŭ mahazinach. A tamu, atrymlivajučy zamiežnyja hrošy z ruk, ryzyka zajmieć falšyŭku ŭzrastaje ŭ razy.
Jość fakty, kali padrobki prymali da abmienu navat supracoŭniki bankaŭ. Sioleta zafiksavana 79 takich vypadkaŭ. Z metaj źvieści ich da minimumu MUS prapanavała Nacyjanalnamu banku raspracavać navučalnuju prahramu pa prafiesijnaj padrychtoŭcy supracoŭnikaŭ, jakija ažyćciaŭlajuć
Kamientary