Aktyvisty studenckaha ruchu ładziać akcyju salidarnaści z studentami Mienskaha pedahahičnaha ŭniversytetu imia Maksima Tanka, vyklučanymi pa palityčnych matyvach. Heta reakcyja na apošnija padziei: u sieradu stała viadoma pra adličeńnie studentki 3 kursu fakultetu biełaruskaj filalohii j kultury Ludmiły Asipienki j studenta 4 kursu fakultetu rasiejskaj filalohii Alaksandar Karciel. Aficyjnaja farmuloŭka – «za systematyčnaje parušeńnie vučebnaj dyscypliny j praviłaŭ unutranaha rasparadku».
Aktyvisty studenckaha ruchu ładziać akcyju salidarnaści z studentami Mienskaha pedahahičnaha ŭniversytetu imia Maksima Tanka, vyklučanymi pa palityčnych matyvach. Heta reakcyja na apošnija padziei: u sieradu stała viadoma pra adličeńnie studentki 3 kursu fakultetu biełaruskaj filalohii j kultury Ludmiły Asipienki j studenta 4 kursu fakultetu rasiejskaj filalohii Alaksandar Karciel. Aficyjnaja farmuloŭka – «za systematyčnaje parušeńnie vučebnaj dyscypliny j praviłaŭ unutranaha rasparadku».
Dla Radyjo Svaboda dekan fakultetu biełaruskaj filalohii j kultury Alaksandar Łuhoŭski patłumačyŭ, za što vyklučyli Ludmiłu Asipienku.
(Łuhoŭski: ) «Za propuski zaniatkaŭ».
(Karespandentka: ) «Ale studentka paśpiachovaja: ja hladzieła jejnuju zalikoŭku – tam vielmi prystojnyja adznaki…
(Łuhoŭski: ) «Nu, dyk treba ž naviedvać zaniatki. Zakon jość zakon – dla usich jon adnolkavy».
Alaksandar Karciel zimovuju sesiju zdaŭ na dźvie šaściorki, vaśmiorku, dziaviatku j dziasiatku. Adnačasova jon źjaŭlajecca jašče słuchačom fakultetu pierapadrychtoŭki kadraŭ Ekanamičnaha ŭniversytetu pa specyjalnaści «źniešnieekanamičnaja dziejnaść».
Dekan fakultetu rasiejskaj filalohii Vasil Staryčonak tak patłumačyŭ pryčynu adličeńnia Alesia Karciela:
(Staryčonak: ) «Pryčyna – jon nie naviedvaŭ zaniatkaŭ, prahulvaŭ, vučycca ŭ dvuch ci troch VNU adnačasova, parušaŭ praviły ŭnutranaha rasparadku ŭniversytetu».
Varta adznačyć, što ŭ pieradvybarčaj kampanii ni Asipienka, ni Karciel nia ŭdzielničali. Brali ŭdzieł u vydańni studenckich samvydataŭskich hazet «Vykaźnik» i «Tankisty»
(Karciel: ) «Jak my dumajem, heta źviazana z našaj aktyŭnaj žyćciovaj pazycyjaj, jakaja viadoma va ŭniversytecie»
U Biełarusi pierad vybarami mohuć błakavać internet — jak da hetaha padrychtavacca, kab być na suviazi2
Kamientary