Актывісты студэнцкага руху ладзяць акцыю салідарнасьці з студэнтамі Менскага пэдагагічнага ўнівэрсытэту імя Максіма Танка, выключанымі па палітычных матывах. Гэта рэакцыя на апошнія падзеі: у сераду стала вядома пра адлічэньне студэнткі 3 курсу факультэту беларускай філялёгіі й культуры Людмілы Асіпенкі й студэнта 4 курсу факультэту расейскай філялёгіі Аляксандар Карцель. Афіцыйная фармулёўка – «за сыстэматычнае парушэньне вучэбнай дысцыпліны й правілаў унутранага распарадку».
Актывісты студэнцкага руху ладзяць акцыю салідарнасьці з студэнтамі Менскага пэдагагічнага ўнівэрсытэту імя Максіма Танка, выключанымі па палітычных матывах. Гэта рэакцыя на апошнія падзеі: у сераду стала вядома пра адлічэньне студэнткі 3 курсу факультэту беларускай філялёгіі й культуры Людмілы Асіпенкі й студэнта 4 курсу факультэту расейскай філялёгіі Аляксандар Карцель. Афіцыйная фармулёўка – «за сыстэматычнае парушэньне вучэбнай дысцыпліны й правілаў унутранага распарадку».
Для Радыё Свабода дэкан факультэту беларускай філялёгіі й культуры Аляксандар Лугоўскі патлумачыў, за што выключылі Людмілу Асіпенку.
(Лугоўскі: ) «За пропускі заняткаў».
(Карэспандэнтка: ) «Але студэнтка пасьпяховая: я глядзела ейную залікоўку – там вельмі прыстойныя адзнакі…
(Лугоўскі: ) «Ну, дык трэба ж наведваць заняткі. Закон ёсьць закон – для усіх ён аднолькавы».
Аляксандар Карцель зімовую сэсію здаў на дзьве шасьцёркі, васьмёрку, дзявятку й дзясятку. Адначасова ён зьяўляецца яшчэ слухачом факультэту перападрыхтоўкі кадраў Эканамічнага ўнівэрсытэту па спэцыяльнасьці «зьнешнеэканамічная дзейнасьць».
Дэкан факультэту расейскай філялёгіі Васіль Старычонак так патлумачыў прычыну адлічэньня Алеся Карцеля:
(Старычонак: ) «Прычына – ён не наведваў заняткаў, прагульваў, вучыцца ў двух ці трох ВНУ адначасова, парушаў правілы ўнутранага распарадку ўнівэрсытэту».
Варта адзначыць, што ў перадвыбарчай кампаніі ні Асіпенка, ні Карцель ня ўдзельнічалі. Бралі ўдзел у выданьні студэнцкіх самвыдатаўскіх газэт «Выказьнік» і «Танкісты»
(Карцель: ) «Як мы думаем, гэта зьвязана з нашай актыўнай жыцьцёвай пазыцыяй, якая вядома ва ўнівэрсытэце»
Каментары