— Na baćkoŭskim schodzie my vyrašyli baranić nastaŭnicu da apošniaha, — kaža mama adnaho z navučencaŭ 5 «A» Alena Doŭhaja. — Ja razumieju, što ŭ jaje syn — Pavał Sieviaryniec. Ale na jejnych urokach ni razu nie prahučała palityka. Dla nas jana — pedahoh najvyšejšaj katehoryi, dla našych dziaciej — vydatny klasny kiraŭnik!..
Aburanyja baćki źviarnulisia navat u Administracyju prezydenta.
Taciana Sieviaryniec — maci lidera niezarehistravanaha «Maładoha frontu», jaki adbyvaje ciapier pakarańnie na «chimii». Da niadaŭniaha času Taciana Sieviaryniec vykładała ŭ viciebskaj škole №40. Ale dva tydni tamu žančynu zvolnili za «prahuł».
— Padčas viesnavych kanikuł ja sabrałasia na seminar «Dzieci ŭ systemie adukacyi», jaki prachodziŭ u Varšavie, — raspaviadaje Taciana Sieviaryniec. — Dyrektar škoły dazvoliŭ mnie adpačynak za svoj košt, zajavu spačatku padpisaŭ i načalnik adździełu adukacyi Pieršamajskaha rajonu Viciebsku Uładzimier Šłoma. Ale kali ja ŭžo kupiła kvitki i sabrała valizu, z škoły patelefanavali j skazali, što dazvoł skasavany.
Spadarynia Taciana śpiarša razhubiłasia, ale na rukach u jaje byŭ dakument z dazvołam načalnika… Žančyna vyrašyła jechać. Pabyła na seminary, naviedała mahiłu dziaduli — pravasłaŭnaha śviatara. A kali viarnułasia, Uładzimier Šłoma vyklikaŭ Tacianu Jaŭhienaŭnu i skazaŭ, što jaje zvalniajuć pa artykule za prahuł.
Taciana Sieviaryniec atrymała raźlik, ale tut za jaje ŭstupiłasia ŭsia 5‑ia «A». Dzieci napisali list Uładzimieru Šłomu, jaki pačynajecca pa‑dziciačy kranalna: «Kali łaska, nie zvalniajcie našaha klasnaha kiraŭnika Sieviaryniec Tacianu Jaŭhienaŭnu, jakaja nam jak maci, a my jaje dzieci…»
— Na baćkoŭskim schodzie my vyrašyli baranić nastaŭnicu da apošniaha, — kaža mama adnaho z navučencaŭ 5 «A» Alena Doŭhaja. — Ja razumieju, što ŭ jaje syn — Pavał Sieviaryniec. Ale na jejnych urokach ni razu nie prahučała palityka. Dla nas jana — pedahoh najvyšejšaj katehoryi, dla našych dziaciej — vydatny klasny kiraŭnik!..
Baćki sustrakalisia z Uładzimieram Šłomam. Čynoŭnik adkazaŭ, što dazvalalnuju vizu na zajavie Sieviaryniec staviła… jahonaja sakratarka! Paśla hetaha baćki nakiravali list ministru adukacyi z patrabavańniem razabracca ŭ samavolstvie čynoŭnikaŭ ad adukacyi. Pad zvarotam padpisalisia 36 čałaviek. Kopiju vysłali ŭ Administracyju prezydenta.
Hleb Łabadzienka, «Komsomolskaja pravda» v Biełoruśsii»
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku22
Kamientary