Prakuratura admoviłasia zavodzić spravu za pieraśled Šacikavaj, jakuju 23 sakavika, napiaredadni Dnia voli, hvałtoŭna dastavili ŭ psychijatryčny špital. Padstavaj dla špitalizacyi stałasia nibyta «kalektyŭnaja skarha žycharoŭ domu», u jakim žyvie Šacikava.
Prakuratura Mahilova admoviła zavieści kryminalnuju spravu suprać milicyjantaŭ, jakija 23 sakavika, napiaredadni Dnia voli, hvałtoŭna dastavili ŭ psychijatryčny špital apazycyjnuju aktyvistku Kryścinu Šacikavu
U paviedamleńni, jakoje Šacikava atrymała pa pošcie, havorycca, što prakuratura Leninskaha rajona Mahilova praviała pravierku i ŭstanaviła, što słužbovyja asoby Mahiloŭskaj abłasnoj psychijatryčnaj balnicy, a taksama milicyjanty, jakija pravodzili zatrymańnie i dastaŭlali K.Šacikavu ŭ balnicu, dziejničali ŭ miežach pravoŭ, jakija pradstaŭlajucca zakonam «Ab milicyi» i zakonam «Ab psychijatryčnaj dapamozie i harantyi pravoŭ hramadzian pry jaje akazańni».
Padstavaj dla špitalizacyi stałasia nibyta «kalektyŭnaja skarha žycharoŭ domu», u jakim žyvie Šacikava.
Prakuratura Kastryčnickaha rajonu Mahilovu admoviłasia zavodzić kryminalnuju spravu da ŭčastkovych milicyjantaŭ, jakija stała naviedvajuć škołu, dzie vučacca dzieci Šacikavaj. Matyvacyja taja ž — dziejańni milicyjantaŭ zakonnyja.
Ciapier čytajuć
«Ni tady, ni siońnia ja nie liču, što zrabiŭ štości kiepskaje». Dziadok ščyra raskazaŭ pra byłyja adnosiny z 16‑hadovaj dziaŭčynaj26
Kamientary