Krambambula śviatočnaja
U apalityčnym raniej prajekcie Volskaha źjavilisia pratestavyja notki.
Muzyčnaja encyklapedyja śviataŭ ad samaha viasiołaha biełaruskaha pop‑rok prajektu. U albomie apiavajucca, jak tradycyjnyja śviaty (Kupalle, Kalady), tak i saŭkovyja razam z małazvykłymi jašče eŭrapiejskimi (jak Chełoŭin ci dzień śv.Patryka). Muzyka raźličanaja nia tolki na toje, kab paviesialicca dy patančyć.
U apalityčnym raniej prajekcie Volskaha źjavilisia pratestavyja notki, jak u pieśni pra «tavaryš maŭzer», pryśviečanaj Dniu Vialikaj Sacyjalistyčnaj Revalucyi. «Dastali vy svaimi Stalinym dy Dziaržynskim», — piajecca tut. Kali ŭličyć raznaplanavaść apošnich albomaŭ NRM dy ZET, možna skazać, što miaža miž hetymi prajektami dy «Krambambulaj» stała zusim prazrystaj. Ciapier jaje jazyk nie pavierniecca nazvać «papsovym» ci to «estradnym» prajektam, jon kančatkova skaciŭsia ŭ andehraŭnd. Da ŭsiaho, apošnija pieśni «Krambambula» zapisała biaz znanych haściej — Hiuneš, Kulinkoviča i Michałka, tamu charyzma Lavona tut zapanavała napoŭnicu.
Na «Śviatočnaj» niama hitu kalibru «Absentu» i «Haściej», jaki b adrazu padchapiŭ narod. Kožnaja pieśnia — dobraja pa‑svojmu, ale nivodnaja nie vybivajecca z šerahu dy nia viaźnie na vušach. Zatoje kamanda ŭzbahaciłasia ŭ muzyčnym planie — na dysku sustrakajem stylizacyi pad rehi, cyhanskuju muzyku, styl VIA, folk‑rok. Albom kaštoŭny i multymedyjnaj častkaj, aformlenaj z humaram dy hustam. «Krambambulu» možna ličyć pačynalnikami biełaruskaha karparatyŭnaha pop‑roku. Na niefarmalnych uračystaściach, viasiellach, dniach narodzinaŭ biaz hetaj muzyki anijak.
Ciapier čytajuć
Koŭł: My abmierkavali mahčymuju pajezdku Łukašenki ŭ ZŠA10
Kamientary