«Mis Poter», «Piśmieńniki svabody», «Napaleon»
Kaściumnyja histaryčnyja dramy i sacyjalnaja historyja pra vychavańnie.
Mis Poter (Miss Potter)
Vialikabrytanija – ZŠA, 2006, kalarovy, 92 chv.
Režyser: Krys Naon
Roli vykonvajuć: Rene Zelvehier, Juen Makhrehar, Emili Ŭotsan, Barbara Flin, Bił Petersan, Łojd Oŭen
Žanr: Bijahrafičnaja drama
Adznaka: 7 (z 10)
Dziciačuju piśmieńnicu Beatryks Poter šanujuć i lubiać u anhielskamoŭnym śviecie. Tomas Eliat, Krystafer Išervud, Hrem Hryn zachaplalisia dziciačymi historyjami, napisanymi z tonkaj ironijaj.
Beatryks Poter žyła naprykancy XIX stahodździa, kali tvorčaja praca žančyny nie ŭchvalałasia.
Hierainia sprabuje vydać dziciačuju knižku z ułasnymi ilustracyjami. Vydaŭcy-mužčyny sa skiepsisam staviacca da hetaj idei, ale, narešcie, pahadžajucca, prapanavaŭšy hieraini ŭ jakaści redaktara svajho niedareku-brata.
Dva “partyzany” viktaryjanskaj epochi – “małodšy brat” i žančyna-piśmieńnicca znachodziać ahulnuju movu, i nieŭzabavie ichniaja praca pierarastaje ŭ kachańnie… Ale matula Beatryks nia ličyć vydaŭca hodnaju partyjaj…
Uzvažanaja j hruntoŭnaja drama z daścipnym i vytančanym duetam Rene Zelvehier i Juena Makhrehara. Realistyčnaja historyja suvoraj viktaryjanskaj epochi supravadžajecca ŭdałymi animacyjnymi hrymasami ažyŭlenych husak, trusaŭ i kocikaŭ.
Piśmieńniki svabody (Freedom Writers)
ZŠA – Niamieččyna, 2007, kalarovy, 123 chv.
Režyser: Ryčard ŁaHravenes
Roli vykonvajuć: Hiłary Sŭonk, Patryk Dempsi, Skot Hlen, Imielda Stontan, Džejsan Fin
Žanr: Sacyjalnaja drama
Adznaka: 5,5 (z 10)
Maładzieńkaja nastaŭnica anhielskaj movy (Hiłary Sŭonk) vykładaje ŭ škole kalifarnijskaha haradku Łonh-Bič. Haradok słavicca bandyckimi tradycyjami – i kožny z vučniaŭ tak ci inakš znajomy z kryminalnym śvietam i narkotykami. Staryja nastaŭniki rajać hieraini pastavicca da svajoj pracy farmalna i nie zvažać na dziaciej, jakich užo i “nia vypraviš”. Ale hierainia zdavacca nie źbirajecca. Jana prapanuje vučniam zavieści dziońniki – i zapisvać usio, što balić…
Tak “ciažkija padletki” z kryminalnych kvartałaŭ stanoviacca “piśmieńnikami svabody”.
Pedahahičnaja j sacyjalnaja drama, što razyhrana Hiłary Sŭonk, zasnavanaja na sapraŭdnaj historyi – i razhladajecca mnohimi, jak kiraŭnictva da dziejańnia.
U Złučanych Štatach kasavy prybytak ad karciny ŭ paŭtary razy pieraŭzyjšoŭ biudžet.
Napaleon N (Io e Napoleone)
Francyja – Italija – Hišpanija, 2006, kalarovy, 100 chv.
Režyser: Paała Virzi
Roli vykonvajuć: Daniel Atoj, Elia Džermana, Monika Belučy, Sabryna Impačyatore, Valerya Mastandrea
Žanr: Historyka-bijahrafičnaja drama ź iraničnym adcieńniem
Adznaka: 6 (z 10)
1814 hod. Vostraŭ Elba. Marcina – biblijatekar byłoha Imperatara. Małady čałaviek nienavidzić Napaleona i nat žadaje jaho zabić, ale składaje kalekcyju jahonych frazaŭ…
Karcina Paała Virzi demanstruje znakamitaha imperatara ŭ adstaŭcy: jon płača, kušaje, prydumvaje afaryzmy… i ŭsio jašče ŭlubioniec natoŭpu.
Drama ź lohkaj iraničnaj uśmieškaj demanstruje mechanizmy šalenstva ad tyranii, pravincyjnaha stodapakłanieńnia – i niščymnaść samoha dyktatara. Imperatara raźvinčana-hrateskna i płaksiva-patasna syhraŭ Daniel Atoj.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary