Klasyčnaja kamedyjnaja meladrama Bili Ŭajłdera j ličbavaja retra-fantastyka z Džudam Łoŭ.
Niabiesny kapitan i Śviet budučyni
Ład, 18.15
Sabryna (Sabrina)
ZŠA, 1954, čorna-bieły, 113 chv.
Režyser: Bili Ŭajłder
Roli vykonvajuć: Hemfry Bohard, Odry Hepbern, Ŭiljam Hołden, Ŭołter Hempden, Džon Ŭiljamz, Marta Hajier, Džoan Vos
Žanr: Kamedyjnaja meladrama
Pryzy: “Oskar” za najlepšy dyzajn kaściumaŭ (Edzit Hed), naminacyi najlepšaj aktrysie (Odry Hepbern), za najlepšuju pracu mastakoŭ (Heł Perejra, Ŭołter Tajler), najlepšuju aperatarskuju pracu (Čarlz Łenh), najlepšuju režysuru (Bili Ŭajłder), najlepšy scenar (Ernst Leman, Bili Ŭajłder, Semiueł Tejłar). “Załaty hlobus” za najlepšy scenar. Usiaho 4 uznaharody j 7 naminacyj.
Siamja miljaneraŭna zachodnim bierazie Łonh-Ajłenda: baćka, maci, dva syny. Dačka šafiora, Sabryna, zakachanaja ŭ małodšaha syna – Dejvida. Kab vylečyć jaje ad kachańnia, baćka adsyłaje jaje ŭ Paryž u škołu kucharaŭ. Praź niekalki hadoŭ z Paryžu viartajecca vykštałconaja pryhažunia, jakaja nie zabyła ničoha. I ciapier užo Dejvid začaravany joju. Vyhodny šlub u siamji miljaneraŭ pad pahrozaju – i starejšy braty vyrašaje pazalacacca da Sabryny, kab advieści “pahrozu” ad małodšaha brata…
Klasyčnaja historyja Papiałuški, pastaŭlenaja znanym Bili Ŭajłderam (“U džazie tolki dziaŭčynki). U ramantyčnaje roli – hieroj suvorych čornych filmaŭ Hemfry Bohard.
ANT, 00.05
Niabiesny kapitan i Śviet budučyni (Sky Captain and the World of Tomorrow)
ZŠA—Vialikabrytanija—Italija, 2004, kalarovy, 107 chv.
Režyser: Kery Konran
Roli vykonvajuć: Hvinet Pełtraŭ, Džud Łoŭ, Džavani Rybizi, Andželina Džoli, Majkł Hemban, Łoŭrens Aliŭje (paśmiarotna)
Žanr: Komiks-retrafantastyka
Adznaka: 7 (z 10)
Pryhody niaŭrymślivaj žurnalistki Poli (Hvinet Pełtroŭ) i avijatara Džo (Džud Łoŭ), jakija šukajuć złobnaha doktara Tatenkopfa, zdymalisia ŭ adnym paviljonie, na błakitnym fonie, a hornyja pejzažy, niabiesnyja karabli i zhrai pavietranych robataŭ (!) byli zrobleny na kamputary.
Śviet budučyni ŭ hetym komiksie — heta retra 40-ch z adpaviednymi pryčoskami, mašynami, dyjalohami i ściertym kinakoleram. A hieraičnyja treš-šedeŭry epochi chałodnaj vajny, ź ich padvodnymi bojkami i navukovymi labaratoryjami, nabyvajuć u karcinie XXI st. novuju płoć, padmacavanyja synefilskaju nastalhijaj i hanarovymi cytatami z «Metropalisu» i «Kinh Konha».
Žyvyja aktory arhanična ŭłučanyja ŭ kamputarnuju karcinku, ale niekatoryja krytyki źjedliva zaŭvažyli, što ichnija roli mahła by razyhrać i mašyna. Hałoŭnaha niahodnika ŭ filmie hraje znany Łoŭrens Aliŭje. Cymus u tym, što Aliŭje daŭno pamior, a paśmiarotnaje vykanańnie roli daručyli kamputaru, jaki i prymusiŭ aktora bluźnieryć i maryć pra źniščeńnie čałaviectva.
"Niabiesny kapitan i Śviet pryšłaha" – heta tryjumf užo nia tolki technalohij, ale j stylu. Novy Vialiki styl – heta asučaśnieny fantazijny treš, dzie ŭsio mahčyma, "adnavokaja" Andželina Džoli ŭ prykidzie, skradzienym u madeljeraŭ SS, i paśmiarotnaje isnavańnie ŭ jakaści kamputarnych imidžaŭ.
Ciapier čytajuć
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak11
Kamientary