№ 52 (209), 26 śniežnia 2000 h. — 3 studzienia 2001 h.
Kaladnaje pasłańnie
Staršyni Rady Biełaruskaje Narodnaje Respubliki
Darahija Surodzičy!
Vitaju Vas z Kaladnymi Śviatami i z hłybini serca žadaju Vam dobraha zdaroŭja, asabistaha ščaścia i dabrabytu ŭ Novym 2001 hodzie.
Kaladnyja i Navahodnija Śviaty — heta ŭva ŭsim chryścijanskim śviecie Śviaty śviatła, spakoju i nadziei. Novyja ździeki ź biełaruskaha narodu, jaho žyćcio ŭ biadzie, pahroza straty navat toj niedaskanałaj niezaležnaści, jakuju jon zdabyŭ tolki dziesiać hadoŭ tamu, vyklikajuć u maim sercy tryvohu.
Usio žyćcio vieryła ŭ jakaści biełaruskaha narodu, u našuju žyćciazdolnaść, u našuju mužnaść u niadoli, u našuju hodnaść.
Vieru ŭ hetyja jakaści i siońnia i tamu napiaredadni hetaha 2001 hodu mocna prašu Vas, kožnaha z Vas, nia dajcie nikomu adabrać u Vas Vaš Biełaruski Dom, Vašuju niezaležnuju dziaržavu. Pakažycie śvietu, što Vy hodnyja haspadary jaje, što Vas nichto nie abduryć vaŭčynymi abiacankami novaha «sajuzu». U našaj historyi nivodzin «sajuz» nie prynios dabra našamu narodu. Tolki ŭ svaim domie narod naš zmoža asiahnuć spakoj, dabrabyt i ščaście dla svaich dzietak i ŭnukaŭ.
Dyk žadaju Vam, darahija surodzičy, u nadychodziačym Novym hodzie taje mužnaści i hodnaści, taje viery ŭ samych siabie, u svaje pravy, u svaju budučyniu, jakija dazvolać Vam abaranić svoj dom.
Pamažy Vam Boža!
Žyvie Biełaruś!
Ivonka Surviłła, Staršynia Rady Biełaruskaj Narodnaj Respubliki
Kalady 2000
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary