№ 44 (253), 29 kastryčnika 2001 h.
Słavamir Adamovič piŭ u Horadni “Niabiosnyja kropli”
22 kastryčnika ŭ štab-kvatery Haradzienskaha BNF prajšła viečaryna ekstremalnaj paezii, zładžanaja miascovym Maładym Frontam i Haradzienskim klubam paetaŭ. U jakaści “zorki ekstremalnaha žanru” vystupiŭ paet Słavamir Adamovič. Arhanizatary nie čakali, što achvotnych pačuć ekstremalnyja vieršy źbiarecca ŭdvaja bolš, čym mahła źmiaścić zala.
U Biełarusi ekstremalnaja paezija naradziłasia pry kancy 80-ch jak adna z formaŭ sacyjalnaha i estetyčnaha pratestu suprać panujučaha ładu. Asablivaha roskvitu jana dasiahnuła ŭ tvorčaści Słavamira Adamoviča, Lavona Volskaha, Jurja Humieniuka, Andreja Piatkieviča abo rok-hurtoŭ kštałtu Deviation.
Hałoŭnaje ŭ ekstremalnaj paezii — niepryniaćcie navakolnaj rečaisnaści, ihnaravańnie ŭłady i dziaržavy, nonkanfarmizm, “novy bajranizm” — supraćpastaŭleńnie tvorčaj indyvidualnaści natoŭpu. Asablivaje miesca jašče z časoŭ harbačoŭskaj pierabudovy ŭ tvorčaści paetaŭ-ekstremałaŭ zajmaje “prezydenckaja tematyka”.
Na viečarynie čytali vieršy Jury Humianiuk, Anatol Brusievič, Edzik Maźko, Pavał Mutny i, zrazumieła, Słavamir Adamovič, jaki prezentavaŭ svoj “Turemny dziońnik”. Nie abyšłosia j biaź liryki dy śpievaŭ, jakija razbavili žorstkija pasažy ekstremalnych paetaŭ. Liryčny nastroj stvaryli bardy Valery Rusielik, Volha Chvaščynskaja i Valery Žamojcin.
Zadavoleny pośpiecham imprezy, Słavamir Adamovič prabaviŭ u horadzie nad Niomanam try dni.
— Mnie nia chočacca źjazdžać z Horadni, bo tut ciaplej, čym u Miensku, a hałoŭnaje — šmat pryhožych žančyn! — kazaŭ paet. — Z adnoj vielmi stylovaj paniaj mnie daviałosia paznajomicca ŭ kaviarni, vypić pa kielichu čyrvonaha vina “Niabiosnyja kropli” dy pašpacyravać u parku Žylibera!
Ihar Handleŭski
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary