Vik spryjaŭ Łukašenku
Jeryn i Chvastoŭ pryznali, što heta ciahnułasia da 2000 hodu
Zakrytyja parlamenckija słuchańni, pryśviečanyja adnosinam z ABSE, adbylisia ŭ nacyjanalnym schodzie. Hałoŭnym abjektam krytyki dla kiraŭnika KDB Leanida Jeryna i ministra zamiežnych spravaŭ Michaiła Chvastova, jak zaŭždy, staŭsia pasoł Hans-Hieorh Vik. Jaho vinavacili ŭ padryŭnoj dziejnaści na terytoryi Biełarusi. Atrymaŭ kuchtaloŭ i raniejšy ministar zamiežnych spravaŭ Ivan Antanovič, pa vinie jakoha, jak zajaviŭ Ł.Jeryn, byŭ zaćvierdžany ciapierašni raspłyvisty mandat KNH, jaki musić być źmienieny.
Pry hetym i M.Chvastoŭ, i Ł.Jeryn pryznali, što da 2000 hodu hrupa ABSE ŭ Biełarusi dziejničała na karyść uradu. Tak, na pasiadžeńni było pryznana, što paśla vyhnańnia pasłoŭ ź ichnych rezydencyj u Drazdach u 1997 h. Biełaruś paźbiehła žorstkich sankcyj Zachadu tolki dziakujučy zastupnictvu H.-H.Vika. Zasłuhaj apošniaha było nazvana i toje, što eks-śpikier parlamentu Šarecki nia byŭ dapuščany da ŭdziełu ŭ stambulskim samicie kiraŭnikoŭ dziaržaŭ ABSE.
Adnak, pavodle słoŭ Ł.Jeryna, paśla 2000 h. palityka KNH ABSE ŭ Biełarusi rezka pamianiałasia. Pryčyn hetaha pradstaŭniki ŭradu nazvać nie zmahli, ale zrabili nacisk na toje, što ŭ składzie misii było šmat prafesijnych supracoŭnikaŭ specsłužbaŭ, pieršy ź jakich — sam Vik.
Miž tym, ministar zamiežnych spraŭ zajaviŭ, što, adviarhajučy kansultacyjna-nahladalnuju hrupu ABSE, biełaruskaje kiraŭnictva maje namier budavać adnosiny niepasredna z ABSE, Eŭraźviazam i Eŭraparlamentam. Ale hetaja aptymistyčnaja zajava nie supakoiła deputataŭ-apazycyjaneraŭ, jakija charaktaryzujuć palityku KDB i MIDu na zachodnim napramku jak “poŭny pravał”.
Aproč nazvanych ministrami faktaŭ spryjańnia Vikam uradu, možna zhadać tarpedavańnie hramadzkaj inicyjatyvy pa vybarach prezydenta ŭ 1999 h. i bajkotu “kiravanych vybaraŭ” u łukašenkaŭskuju pałatu ŭ 2000-m, uciahvańnie apazycyi ŭ pastku “pieramovaŭ” u 1999-m.
Pryznańnie ministraŭ Jeryna i Chvastova pralivaje novaje śviatło na pryčyny dehradacyi palityčnych svabodaŭ u Biełarusi ŭ 1997—2001 h.
Mikoła Buhaj
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary